Lammuala hun hnuhnung hman duhtu Pu Jumbo/Pu Zama (Mr Herbert Winston Vaughan) pualin Mizoram Football Association chuan November 4, 2016 zana Mizoram Premier League inkhelah hun a hmang dawn a, he hunah hian mi zawng zawng tel turin MFA chuan a sawm a ni.
August 2, 1926-a piang British pa Pu Jumbo hian a thih hmain thurochhiah a nei a, chutah chuan, “Ka vanglaia ka hun hmanna hlimawm ber chu Lammual a ni a, Lammualah ngei hian ka pualin thil lo ti rawh u,” tiin a hnutchhiah a, Lammuala ti tura a beiseite pawh a sawi lang a ni.
Mizote’n Pu Jumbo tia an koh, a Mizo hminga Pu Zama tia an koh thin Sap pachal Mr Herbert Winston Vaughan hi tun hmain Mizoramah a lo awm tawh a, British sipai niin Lammualah football a khel ve thin. Pi Rokamlovi, Pu A Thanglura (L) farnu nen 1945 khan an innei a, British mi Mizo nupuia nei hmasa ber zinga mi a ni nghe nghe. Mizorama a awm chhung hian football a tuipuiin Lammualah ngei pawh vawi duai lo a inkhel a, goalkeeper a ni. Hetih hunlai hian East India-a football goalkeeper tha ber pawl nia sawi a ni.
Mizoram a chhuahsan hnuah Sheffield, England-ah 1960 khan a inbengbel a, he hmun atang hian Mizoram football hmasawnna hi a la ngaihven reng a, kum 2014-a Santosh Trophy-a Mizoram an champion khan a lawmpui thute pawh a thawn nghe nghe a ni. Amah hi football ngaina tak niin England-ah pawh inkhel en taima tak a ni zui zel a, amah leh a fate bakah a tute thlengin football-ah an tui hle.
Pa vannei tak a ni a, fa 10 a nei a, tu 23 leh tu chhuan 28 a nei a, an zavai hian kum 2015-a an inneih kum 70-na an lawm tumin an kal khawm thei vek a, an la dam vek nghe nghe a ni. Pu Jumbo hi kum 89 mi niin January 19, 2016 khan a boral a, a thih hma hian ama puala Lammual ngeia hun hman a duh thu a chhungte hnenah hian a chah a ni.
English football-ah chuan Sheffield United tantu ruhkawl a ni a, a thih hnu pawh hian Sheffield United khelmual Bramall Lane-ah a pualin hun an hmang nghe nghe a ni.
Pu Jumbo thih hnuah a chhungten Mizoram Football Association-ah lehkha thawnin an pa berin a thih hmaa a duhthusam tihhlawhtlin an rawn dil a, hei hi MFA chuan zahawm a tiin tihhlawhtlin ngei ni se, tiin a rel. November 4, 2016 zan dar 7:00-a MPL Round 10-a Chanmari West FC leh Aizawl FC inkhelh tan hma leh half time laiin Lammual ngainatu leh a a puala hun hman tura ngentu Pu Jumbo pual hian hun remchang siam a ni dawn ta a ni.
He hun hmang tur hian England leh khawvel hmun dang atangin Pu Jumbo tu leh fate mi 27 chu Aizawlah an lo zin dawn a, an pa hriatrengna thipek hlante pawh an tum nghe nghe a ni.
– Information & Publicity Committee, MFA
cialis
cialis generic
Cialis mail order uk
Cialis in australia