Leicester an chak lo leh tawh

leicesterWest Brom winger Matt Phillips chuan Leicester midfielder Danny Drinwater tihsual hmang tangkaiin minute 72-naah Baggies chakna goal a khung.

King Power Stadium-ah West Brom 2-1 in chak a, tun season-ah Leicester City-in vawi khat nan an mualah hneh loh an tawng. Premier League inelna hrim hrimah erawh champion lai hi an vawi nga chak lohna a ni a, match 11 an khelh tawh atangin point 12 chiah an la hlawh chhuak.

Pathianni zan inkhelah hian James Morrison-a’n tun season-ah a vawi khat nan inkhel bul a tan a, minute 52-naah goal hmahruai a khung. Minute thum hnuah ding lam atangin Riyad Mahrez-a’n cross ball tha tak a vawrh lut a, pound maktaduai 29 man Slimani-a’n a lu hmangin an siphurh a sut.

Foxes-in an khelmuala an record tha tak an chhawm nung ngei dawna a lan hnuah Drinkwater ball lak per chu Baggies winger Phillips-a’n Leicester keeper Ron-Robert Zieler dan theih loin a pet goal a, chakna goal a ni zui bawk.

Leicester manager Claudio Ranieri chuan, “Theihtawp chu kan chhuah a, mah se a awlsam lo. Champions League-ah kan tha kan hmang nasa lutuk pawh a ni mah na, player-te’n nal takin an khel thei lo a, hriatthiam a har hle. Kan muala kan record tha tak nuai reha a awm avangin pawi ka ti a, dinhmun tha luah chho leh turin kan tan ho that a pawimawh a ni,” tiin match an khel tam lutuk chu an chak loah chhanah a puh.

Team Dinhmun

# Team Pld W D L GF GA GD Pts
1 Liverpool 11 8 2 1 30 14 16 26
2 Chelsea 11 8 1 2 26 9 17 25
3 Manchester City 11 7 3 1 25 10 15 24
4 Arsenal 11 7 3 1 24 11 13 24
5 Tottenham Hotspur 11 5 6 0 15 6 9 21
6 Manchester United 11 5 3 3 16 13 3 18
7 Everton 11 5 3 3 15 13 2 18
8 Watford 11 4 3 4 15 19 -4 15
9 Burnley 11 4 2 5 11 15 -4 14
10 Southampton 11 3 4 4 12 12 0 13
11 West Brom 11 3 4 4 12 15 -3 13
12 Stoke City 11 3 4 4 13 18 -5 13
13 AFC Bournemouth 11 3 3 5 13 16 -3 12
14 Leicester City 11 3 3 5 13 18 -5 12
15 Middlesbrough 11 2 5 4 10 12 -2 11
16 Crystal Palace 11 3 2 6 16 19 -3 11
17 West Ham United 11 3 2 6 11 20 -9 11
18 Hull City 11 3 1 7 10 24 -14 10
19 Swansea City 11 1 2 8 10 21 -11 5
20 Sunderland 11 1 2 8 9 21 -12 5

 

Posted in England, English Premier League and tagged , .

Leave a Reply

Or