Manchester City ah David Silva contract thar

Posted on September 17, 2012 by Ramenga

3 min read

Barclays Premier League champion lai Manchester City chuan an player pawimawhte an chelh nghet zel a, Thawhṭanni khan midfielder David Silva chu kum 5 chhung atan contract thar an ziahpui. Man City hian tunhnaiah goalkeeper Joe Hart leh captain Vincent Kompany te chu contract thar an lo ziahpui tawh bawk a ni. David Silva hian karkhatah pound 200, 000 vel a hlawh dawn nia report a ni.

Kum 26 a upa Silva hian July 2010 ah Valencia aṭangin Man City a zawm a, khelh chhiat chang nei ve ṭhin bawk mahse kumhnih a awm chhungin City player pawimawh ber a ni a tih theih. Silva an neih hnuah Man City hian kum 2011 ah FA Cup an la a, season hmasa ah Premier League champion an ni bawk.

Silva chuan, “Ka contract pawhsei a ni hi ka lawm a, he hmun hi ka tân chuan in ang mai a ni tawh a ni. Premier League bakah trophy dang pahnih (FA Cup 2011 leh Community Shield 2012) kan la tawh a, he team hi hmasawn zawngin a kal zel a ni. Tunah chuan Champions League-a champion kan châk a, champion tuma beih hi he club a awm zel ka chak chhan pakhat a ni.

“Kumhnih kalta te kha ka tân chuan kum duhawm a ni a, kum nga lo la awm tur pawh khatiang tho kha a nih ka beisei. Ka lo thlen tirh aṭangin fans te’n min pui nasa a, anni hi contract thar ka ziah chhan pakhat an ni. He contract thar hi an chunga lawmthu ka sawina ang ah min pawmsak ngei ka beisei.” tiin a sawi.

David Silva hian Manchester City tân match 70 chuang a khel tawh a, England-a a season hmasa berah a zawnin vawithum Player of the Month a ni thei a, season hmasa khan Player of the Year thlanna-ah pahnihna a ni bawk. UEFA Euro 2012 ah Team of the Year ah a tel pha bawk a ni.

England ah chuan an champion thei tih an tilang tawh a, tunah chuan Europe khawmualpui awp an tum dawn. An thiltum tihlawhtling thei tura an hmachhuan chu David Silva hi a ni. Champions League-a champion hi thil awlsam a ni dawn lo a, an hmabak hmasa ber chu Thawhlehni zana champion ngun ber Real Madrid an tlawh tur hi a ni. David Silva leh Manchester City hi champion turin an ṭha tak tak em tih fiah nan hei lo liama opposition duhthusam a awm chuang dawn em ni?

source: independent.co.uk

Ramenga http://www.zofooty.com

Manchester City ah David Silva contract thar

Posted on September 17, 2012 by Ahruaia Lil'Foe

Barclays Premier League champion lai Manchester City chuan an player pawimawhte an chelh nghet zel a, Thawh?anni khan midfielder David Silva chu kum 5 chhung atan contract thar an ziahpui. Man City hian tunhnaiah goalkeeper Joe Hart leh captain Vincent Kompany te chu contract thar an lo ziahpui tawh bawk a ni. David Silva hian karkhatah pound 200, 000 vel a hlawh dawn nia report a ni.

Kum 26 a upa Silva hian July 2010 ah Valencia a?angin Man City a zawm a, khelh chhiat chang nei ve ?hin bawk mahse kumhnih a awm chhungin City player pawimawh ber a ni a tih theih. Silva an neih hnuah Man City hian kum 2011 ah FA Cup an la a, season hmasa ah Premier League champion an ni bawk.

“Kumhnih kalta te kha ka tân chuan kum duhawm a ni a, kum nga lo la awm tur pawh khatiang tho kha a nih ka beisei. Ka lo thlen tirh a?angin fans te’n min pui nasa a, anni hi contract thar ka ziah chhan pakhat an ni. He contract thar hi an chunga lawmthu ka sawina ang ah min pawmsak ngei ka beisei.” tiin a sawi.

England ah chuan an champion thei tih an tilang tawh a, tunah chuan Europe khawmualpui awp an tum dawn. An thiltum tihlawhtling thei tura an hmachhuan chu David Silva hi a ni. Champions League-a champion hi thil awlsam a ni dawn lo a, an hmabak hmasa ber chu Thawhlehni zana champion ngun ber Real Madrid an tlawh tur hi a ni. David Silva leh Manchester City hi champion turin an ?ha tak tak em tih fiah nan hei lo liama opposition duhthusam a awm chuang dawn em ni?

source: independent.co.uk