Nehru Cup 2012 khelh mekah India chuan match hnih naah Maldives chu 3-0 in an sawp a, tunah hian table ah an la sang ber a ni.
Nehru cup vawi 15-na khelh mekah hian Team 5 an tel a, A thlengtu India bakah, AIFF in an sawm Cameroon, Maldives, Syria leh Nepal te an rawn tel a ni. Vawikhat theuh an in tum kual anga, chuta tanga a point hmu sang ber pahnih chuan sept 2 ah Final an khel dawn a ni. India hian an match hmasa zawkah Syria chu 2-1 in an lo hneh tawh a ni.
India hian Manager thar Wim Koevermans hnuaiah vawi hnih an khel tawh a, an la chak ve ve a. Wim Koevermans-a hnuaiah hian India hian hma an sawn a, passing leh game play hrim hrim pawh hma a sawn hle a ni. Tun tumah pawh hian Football match pangngai chu nise “insawp” tih chu a ni lo anga, mahse an game level-ah leh India team dinhmun ngaihtuah in “insawp” ah a pawm theih.
Tun Cup-ah hian sawi tawh angin Jeje-a a tello a, Sunil chhetri a che tha hle thung. Match hmasaah goal khat score in match hnuhnung zawkah hian goal hnih a rawn score leh a, top scorer ala ni mek a ni.
Nehru Cup-ah hian India hi an champion thei anih chuan an Ranking pawh a in vawrh dawrh thei dawn a, a chhan chu Team dang rawn telte hi FIFA Ranking-ah India aiin an sang veka, hei hian nasa takin a pui thei dawn a ni.
India hian Ni 28-ah Nepal a tum anga, Ni 31-ah Cameroon a tum bawk ang. Inkhel hi zan dar 7:00 ah vek khelh tur a ni a. Neo Sport broadcast a ni.
MIZO an awm lova, lo buai bawk nen ka lo mangnghilh leh thin. champion lai n ni bawk a, India chu champion leh ngei a ngai ang.
Super like…or hyper like! Hehe….
An khel pawh a hmuhnawm ve sawt alawm, Jeje leh Didika an khel theilo erawh en zel pawh a phurawm lem loh.
1st ve teh mial ang
Live in ka en a, India game pawn hma a sawn lutuk ringawt, tun hma angin long ball vawrh vak vak a tam tawh lo a, an la che muang deuh erawh ka sawisel duh.