Aizawl, May ni 10: Mizoram Team chuan Santosh Trophy 2012 khel turin vawiin tlai khan an khelhna tur Orissa lam panin Mizoram an chhuahsan. Mizoram Team hian vawiin tlai dar 3:30 khan Lengpui Airport atanga thlawk chhuakin vawiin tlai vek khan Kolkata an thleng a. Zanin dar 11:30 hian Kolkata atangin an khelhna tur Cuttack, Orissa train in an pan ang. Mizoram team hi Cluster-VI-ah Uttarakhand leh Rajasthan nen an awm a. Cluster atang hian pakhat tlang tur niin an tlang thei anih chuan Quarterfinal Group-D-ah Railways, Tamil Nadu leh Cluster-I (Jharkhand, Delhi, Andaman&Nicobar Islands, Gujarat) winner te nen an awm ho dawn a ni.
Mizoram team in Lengpui Airport an hma hian MFA Office, City Park-ah MFA hruaitu ten thingpui in puina an nei a. He hunah hian thuchah (infuihna) hnuhnung leh Pathian hnena inhlanna neih a ni.
MFA Honorary Secretary Pu Lalnghinglova Hmar (Tetea) chuan players te chu fuihin,”Kumin hian kumdang aiin kan practice tha a, chumai bakah kan pool awmna te a fuh bawk a. Kan Champion thei ta lo anih pawhin Semi-final tal chu kan thleng ngei tur a ni. AIFF lama hruaituten Tournament danga kan chetha hi an hmu thiam thei lova, Mizoram an hmuhdan kan tih dik theih nan Santosh-ah hian kan chetthat a ngai a ni,” a ti.
Hei bakah hian team chhungah harsatna awm te sawi langin,”Tunah hian kan Coach Pu Joseph a Pa a damlova, hei vang hian Pu Joseph pawh a inngaihtuah nasa khawp mai. Mahse aman theihtawp chhuah a, a lo enkawl tawh midang kuta han hlan tawp chu dika a hriatloh avangin Mizoram team hi a rawn hruai dawn tho a, a inpekna a ropui hle. A rawn kal ta sa sa bawk a, Pu Joseph a tan hrim hrim pawh theihtawp kan chhuah a ngai a ni,” tiin an harsatna chu anmahni ti tangtu anih theih nan players te a fuih bawk.
Players te a fuih bakah hian awm dan tur te pawh a sawi telin,”Players kan inang lova, thenkhat chu hlawh sang tak tak te, hna nei tawh te kan nih laiin thenkhat chu football khawvel rawn dai tan tir te an ni bawk a. Chhungkaw khawsak dan pawh a in anglo. Hei vang hian team kan nih angin kan thiante kan ngai pawimawh tur a ni a, kan thianten hreawm an tihlohnan thil manto deuh deuh te kan lei tur a ni lo. Hei bakah hian cold drinks, mineral water han in chang te hian a hlawh tamzawk ten kan pek kep nachang kan hriat apawimawh a ni,” a ti. Team boruak chu field pawn atanga a in tan thu te a sawi tel bawk.
Pu Lalnghinglova’n thusawina hun a neih zawh hian Pu Joseph Lalrintluanga, MFA Executive Committe member in tawngtaina hun a hmang a. Hemi zawh hian Lengpui Airport an pan nghal a ni.
Coaching Staff: (L-R) Manager: Vanlalngheta, Zotlang; Coach: Joseph Lalsangzuala, Kanan Veng; Physio: Anand Gurung, Tanhril
Pic: Rochhingpuia (Red Ribbon Best Player), David Lalrinmuana (I-League 2nd Division Player of the Tournament) leh Malsawmdawngliana (MFA Cup Top Scorer) te team bus-ah lut dawn.
Pic: Mizoram Player te Lengpui pan turin team bus-ah an chuang e.
cialis 5 mg
cialis coupons
Pharmacy cialis
Real cialis online
Pu Joseph-a inpekna chu a hlu hle mai a, duhsakna ka hlan e, Pu Tetea thusawi pawh hi a tha tak zet zet a ni. Good post
“Hei vang hian team kan nih angin kan thiante kan ngai pawimawh tur a ni a, kan thianten hreawm an tihlohnan thil manto deuh deuh te kan lei tur a ni lo. Hei bakah hian cold drinks, mineral water han in chang te hian a hlawh tamzawk ten kan pek kep nachang kan hriat apawimawh a ni”
Hei hi a pawimawh ka va ti em. Team-ah inthliarna leh inlungrual lohna thlen theitu pakhat a ni ve tlat. All the best Mizoram team.
Mizoram team duhsakna ka hlan e.
Pu Joseph a inpekna a ropui, Good luck Mizoram Team.
Ngenna ka siam tel duh chu Zofooty a post awm reng reng hi facebook lama news vela kan lak chhawn hian a source dah tel thin ang u. Miin a hun hlu tak senga a lo siam ve a ni si a. Hmanniah santosh trophy related post chanchinthar group a post a,source awm lo k hmu tlat.
Pu Joseph-a inpekna a va ropui em! A inpek ang hian players lam hi Mizoram tan han tang teh se. Fuihna thusawi pawh hi tha ka ti khawp mai. Pawn lam Team boruakah lungrualna awm se khelmualah pawh a zia ngei ang. Duhsakna ka hlan mawlh mawlh e.
Engamah ahmaa champion beisei loh ringot… Result upset tak tak football ti football tu lo beisei nak alai a… Champion tumin state dang chu an fight theuh a rinawm, heti techuan player tepon chakloh poi tihlohna annei thei tlat, Dawih aw nghal tuau ringot… Tan anat leh don nen Champion tum ngei State tan daih teng….hahaa
Mizoram player te duhsakna sang ber kan hlan e. Players te pawh an chhelo bawk a, semi-final tal thleng tur ah ngai ang aw