The Sun chanchinbu hian huai deuh deuh hian thil an ziak a, an ziak dik leh fuk thin bawk a! Hei, hausa tawntaw Manchester City chuan Arsenal hitman Robin van Persie chu kum 4 chhunga pound maktaduai 41.6 hlawh turin an thlem dawn tih an ziak leh tawh; dik tak maw?
City hian Arsenal goal khung khawl hi Arsenal kut atangin pound maktaduai 30 a lei chhuah theih an inbeisei a. A chhan pawh thla 18 chauh Arsenal-a contract nei tawh Van Persie hian a contract hi a la ziak thar duh tlat lo a ni. City-ah hian a thian hlui – Samir Nasri, Kolo Toure leh Gael Clichy-te an awm tawh bawk nen, an lak theih an inring viau a ni awm e.
Van Persie hian Arsenal-ah hian kar khatah pound 80,000 chauh a hlawh a. City hian kar khatah pound 200,000 hlawh turin an sawm dawn a ni. A intam hleih ve mai mai khawp mai.
Van Persie hian Arsenal-ah kum 7 a awm chhungin FA Cup champion medal chiah a la awrh a, kum 28 a ni tawh a, FA Cup medal chauh lo pawh awrh ve a chak tawh a rinawm. Hlawh tam bawk, champion theihna ni bawk a nih chuan tunge duh lo ang? City hian an lalut lovang tih sawi theih a ni miah lo.
Kan hriat angin Van Persie hi English Premier League-a striker hot ber niin, kumin (2011) chhung hian League goal 33 a khung tling tawh a. Arsenal tana goal khungtu ropui Thierry Henry meuh pawh goal khat chiahin a phak lo tawh a. English Premier League-ah, kum khat chhunga goal khung hnem ber chu Alan Shearer a ni a, ani khan 1995 kum khan goal 36 a khung a ni. Van Persie hian a khum lovang tih a sawi theih loh.
Ka ring reng ah………
Khaih2,Laipui-pu ho chu lo thlaphang mai teh suh u,engmah thu chiang pawh ala awm hleinem le.
Arsenal ho lei sak deih ang.
Arsenal khaidingtu tur apiag an hralh xel anh cuan he club hi cuan hma swn an la harsat khwp ag le.. Players tha tel lo cuan club ropui pwh an campion gwt thy bik c lova.. RVP cuah loh nan hian a kaw twp a an tan leh cu agai gei ag le..
Arsenal aṭanga a chhuak a nih chuan BPL club danga a luh ka ring chiah lo. Mahse sum hian thil hi a ti thei khawp ah..ManCity ah kher hi chuan lut lo mahse pawi ka ti lo khawp mai. Arsenal tân hian thun nghek nghek se la, keini tân a hlauhawm pha lutuk lo bawk a a pawi lo berin ka hria. 😀
Hepa hi chu ka van duhtak em! Tun season chu ‘Rooney’ a ni ringawt a lawm le.. 🙂
an va han la chhuak omlo e oo city kher2 cuan…. achhuah cuan epl ah kher2 cuan a chhuak lovang…rvp hi cu tianga mi rilru nep a ni velo clubdang players angin,,sala
Arsenal ho chu le(h) ava hlauhthwnwm duh wm ve…a chetha deuh hlek an chhuak zel mai sia
Gunners tan chuan chanchintha lawmawm em em chu a ni lo hle mai.. an phu dep dep ang chu…