Transfer thuthang a tam a, dik a awm ang a, dik lo pawh a awm ang. Thutak khûka khukpui vek chi an ni lem lo a, sap chanchinbu tam tak hian thuchiang vak lo pawh hi an chhuah ṭhin tih chu kan hre ṭheuh tawh awm e. A hnuai ami hi British chanchinbu hrang hranga transfer thuthang leh news pangngai an chhuah, Thawhṭanni (June ni 4) a chhuak te an ni hlawm a, awihawm tak tak pawh a awm leh fur mai. Dik hlawm tak ang maw?

THE SUN

* Tottenham Hotspurs manager Harry Redknapp chuan defensive midfielder, ball pass thiam tak Jan Vertonghen chu Ajax aṭangin lakluh theih a inbeisei.

* Manchester United captain Nemanja Vidic chuan thla leh aṭangin full training a zawm thei tawh dawn.

* Liverpool manager thar Brendan Rodgers chuan Swansea City a a enkawl ṭhin Gylfi Sigurdsson chu Anfield lama hruailuh a tum hle.

* Tottenham chairman Daniel Levy chu Harry Redknapp contract thar ziahpui chungchangah a hmanhmawh hranpa lo hle.

* Southampton chuan Millwall player Liam Trotter chu  £2million vela lei theih an inbeisei.

DAILY STAR SUNDAY

* Liverpool manager thar Brendan Rodgers chuan players pathum lakluh a tum a. A players duh te hi Swansea players Joe Allen, Gylfi Sigurdsson leh Fulham midfielder Clint Dempsey te an ni. Heng players pathum lei nan hian pound maktaduai 20 vel a mamawh nia rin a ni. (Joe Allen hi Swansea player, Swansea City a contract nei lai a ni a. Rodgers-a’n Swansea chhuahsana Liverpool a zawm dawn khan kum khat chhung chu Swansea City players lei a tum tur a ni lo tiin an inrem a, chuvangin he report hi a dik a rinawm loh. Gylfi Sigurdsson hi chu loan a khel a nih avangin a lalut thei ang. Dempsey hian Champions League khelh a chak thu a sawi zauh tawh a, mahse Anfield-a khel tura sawmna hi a hnial zo kher ange maw?)

* Manchester City chuan Jan Vertonghen an lakluh theih loh hnuah Newcastle United captain Fabricio Coloccini an hmutâi hle.

* Sunderland chuan Manchester City striker John Guidetti chu an ngaihven hle a, Wolves striker Steven Fletcher pawh dâwr an tum.

* Chelsea chuan Tottenham manager Harry Redknapp leh chairman Daniel Levy te inbiakna chu uluk takin an lo thlir reng.

* Alan Smith chu MK Dons ah free in a lut ṭep tawh.

* Manchester United chuan £17million a lei an tum, Japan midfielder Shinji Kagawa lalût turin work-permit buaina an paltlang phawt a    ngai dawn.

SUNDAY MIRROR

* Brendan Rodgers chuan Liverpool a luh hnua a player lei hmasa ber ni turin Gylfi Sigurdsson chu lei a tum a, a thleng tak tak a nih chuan Swans fans te rilru na a thuahhnih dawn mange.

* White Hart Lane-ah Harry Redknapp a awmzui lo a nih chuan Tottenham manager hnaruak hi Roberto Martinez chuan a beisei.

* Chelsea chuan Eden Hazard, Hulk leh Marko Marin te lei nan £80million dawn an phal tawh a, mahse nipui bazarah hian an la duhtawk lo hle a, inleibelh zel an la tum.

* Manchester City chuan Athletic Bilbao defender/midfielder Javier Martinez lei nan £25million an phal.

* Norwich City chuan manager Paul Lambert thlak turin Lee Clark an hual.

* Crewe striker Nick Powell duhtu zingah Arsenal pawh an tel ve leh ta.

* Swansea City chuan manager tur an zawng mek a. Wigan aṭanga Graeme Jones an befel thei lo a nih chuan Ian Holloway an beisei thut maithei.

THE PEOPLE

* Norwich City manager thar ni turin Tim Sherwood chu rinkai ber a ni.

* Manchester City chuan Newcastle United captain Fabricio Coloccini chu £8million vela lei an tum.

* Pep Guardiola chuan kum khat chhung football aṭanga chawlh rih a duh thu Chelsea neitua Roman Abramovich a hrilh dawn niin a lang.

* Fulham player, transfer market a ‘luck’ tak Moussa Dembele chu Fulham in contract thar ziahpui an duh a, kum 4 chhunga £10million hlawh turin an thlem mek. Dembele hian contract thar hi a ziah chuan Fulham player hlawh hnem ber a ni ang.

* Blackburn Rovers manager Steve Kean chuan club neitute chu players lei nan £15million pe turin a duh.

* Brendan Rodgers chuan Joe Cole chu loan a chhuak lo a, Liverpool kawr ha turin chance a pe maithei.

* English keeper naupang Jack Butland chu Manchester City ah Joe Hart-a thachhangdawltu ni turin a lut maithei.

SUNDAY EXPRESS

* Paul Lambert chuan a club hlui aṭangin Grant Holt chu Aston Villa lamah lakluh a tum.

* Liverpool manager thar Brendan Rodgers chuan Swansea City aṭangin Icelandic star Gylfi Sigurdsson chu £6.8milion vela lei a tum

* Chelsea chuan Fulham midfielder Moussa Dembele chu lakluh an tum.

THE OBSERVER

* Aston Villa in Paul Lambert an lakluh fel takah chuan Norwich City chuan manager thar an zawng mek a. Manager tamtak zingah Malky McKay leh Chris Hughton te hming a langsar hle.

THE SUNDAY TIMES

(England leh Belgium friendly match) Scott Parker leh man of the match Steven Gerrard te midfield ah an inkawpfuh ṭan a, Wayne Rooney a rawn let leh tawh bawk. Alex Oxlade-Chamberlain pawhin bul a ṭan ṭha hle a, Danny Welbeck-a’n England tâna a goal hmasa ber a thun bawk. Inhliam an awmbelh leh (Gary Cahill) erawh a pawi hle.