Tun hnaia African Cup Of Nations khelh turah hian kum danga player nei tha thin Nigeria te, Cameroon te an khelh phak theihloh laiin Sudan, Gabon, Botswana te an khelpha thung dawn a. Ram 16 tel zinga mipui te rinkai ber leh player nei tha ber chu Cote D’Ivoire hi a ni awm e. Mi thenkhat te chuan Ivory Coast tihin kan hre lar zawk awm e. ‘The Elephants’ tiin Cote D’Ivoire team te hi hriat an ni thin a. World Cup ah te pawh kan lo hmuh tawh Cote D’Ivoire hi tuna FIFA Ranking ah hian 19 na an ni mek bawk.
Cote D’Ivoire a player kan hriat lar ber chu Didier Drogba (Chelsea) hi a nih hmel. Drogba hi Didier Zokora, Aruna Dindane, Kolo Toure te nen bul tan in ram football tan ‘Golden Generation’ an rawn siam thei a ni. Tuna team ah hian Drogba, Dindane, Kolo Toure leh Zokora te hi ‘veteran’ chu an ni mai tawh awm e. An ni hnuai chiah ah hian Emmanuel Eboue, Yaya Toure, Salomon Kalou te an lo awm ve leh bawk nen. Chu mai a la nilo, tunlaia player tha tak tak Gervinho (Arsenal), Cheik Tiote (Newcastle Utd) leh tunlaia cub lian te ngaihven ber pawl Seydou Doumbia (CSKA Moscow) te an la nei cheu. Heng player te hrual tur hian Sven Goran Eriksson an la nei bawk!
World Cup vawi hnih lai inlan tawh Cote D’Ivoire hi tunlaiah chuan African ram dang aiin player an nei tha zawk niin a lang a. Mipui te mit pawh a fukna ber a ni awm e. Cote D’Ivoire bakah hian Ghana, Senegal, Morocco te hi mipui ten an lawm zual a rinawm a. Nigeria, Cameroon leh Egypt tello hian African Cup Of Nations hi khawvel in an ngaihven nasa tho ang em tih chu zawhna awm thei a ni awm e.
Squad:
GOALKEEPERS: Copa Barry, Gerard Gnanhouan, Daniel Yeboah
DEFENDER: Siaka Tiene, Arthur Boka, Emmanuel Eboue, Igor Lolo, Benjamin Angoua, Souleymane Bamba, Didier Zokora, Kolo Toure
MIDFIELDER: Didier Ya Konan, Max Gradel, Kafoumba Coulibaly, Jean-Jacques Gosso, Cheik Tiote, Yaya Toure
STRIKER: Didier Drogba, Salomon Kalou, Seydou Doumbia, Gervinho, Wilfried Bony, Kader Keita
Viagra or cialis
Buy cialis without prescription
A tha vel vek mai zu nia,
Bacary Kone leh Dindane an tel lo tlat mai…
An sawivul Drogba hi atar deuh tawh a, mahse an player en chuan champion tura beiseiawmber chu an nilo thei lo e, gervinho khi lille player ani tawh lo a, arsenal player ani tawh e
Ivory cu an tha ve hle maia.mahse,eriksson hi ka ringlo ve laklwh twha,italy ah khan ache tha ani maia,ahnu a a record hi athat em em ka se tw lo tlat..
I squad tarlan hi a hlui ve deuh toh ni mo hehe.. Gervinho (Lille), Eboue (Arsenal) a la inti tlat mai.
Doumbia hi ka duh chi tak a ni.
Ghana hi World Cup ah khan che tha viau mah se Ivory Coast hi ka la dah chungnung zok tho2.
Senegal forward poh hi an that hi le…ba, sow, p.cisse!
a dik tawh ang. FIFA World Cup 2010 squad ka en palh alom le 🙂