German club lian Bayern Munich chuan Croatian striker, Euro 2012 a che ṭha tak Mario Mandzukic chu Wolfsburg aṭangin an lei fel ta. Mandzukic hian Bayern a kum 4 chhung khel turin contract a ziak a, hun rei lote ah medical test neiin ‘official’ takin Bayern Munich player a ni tawh dawn a ni.
Wolfsburg in an hralhna man hi puanzar a ni lo thung a ni. Kum 26 a upa Mandzukic hi Euro 2012 en ṭhin chuan kan hre ngei ang. Croatia in Ireland an hneh ṭumin goal 2 a thun a, Italy lakah goal 1 thun lehin, match 3 lek khel chungin Euro 2012 a goal thun hnem ber pakhat a ni mek. A vanglai hmang chho ṭan mek a ni a, striker chak leh tharum ngah tak, boruaka hlauhawm tak a ni tel bawk. Kum 2010 ah Dinamo Zagreb aṭangin Wolfsburg a zawm a, match 56 khel hmain goal 20 a thun a ni.
Bayern director of sport Christian Nerlinger a lawm khawp mai a. “Mario Mandzukic kan lalut thei hi kan lawm hle a ni. Bundesliga-a striker ṭha ber te zing ami a ni a, Euro 2012 ah a goal thun theih zia a lantir bawk. Poland leh Ukraine a player mal langsar ber pakhat a ni a, kan team tichak lehzual turin a ṭha tawk a ni.” a ti.
Hunrei tak, tuma chuhbuai phak lohin German club ṭha ber an lo ni tawh a, tunhnaiah Borussia Dortmund hnuaiah an awm ta fo mai. Season liamta khan Bundesliga leh German Cup ah Borussia Dortmund pha lovin pahnihna an ni ve ve a, Champions League final ah a chak lo zawkah an ṭang bawk. Hei mai a ni lo a, tunhnai season hnih chhungin Dortmund lakah a zâwnin vawi nga an tlawm tawh a, Bayern Munich club hotute mai bakah manager leh fans te thin a dam thei meuh lo a ni. An lungawilohna hi transfer bazar ah a langchhuak a, an inlei mawlh mawlh a ni ber mai. Mandzukic hi tun nipui bazar-a Bayern player thar parukna a ni der tawh a. A hmaah Xherdan Shaqiri, Dante, Tom Starke, Claudio Pizarro leh Mitchell Weiser te chuan ‘Bavarians’ hi an lo zawm tawh a ni.
Bayern hian Mario Gomez an nei tawh a, Mandzukic hian striker no. 1 nih a duh chuan season hmasaa goal thun khawl Gomez a nekchhuah phawt a ngai dawn a ni. Engpawhnise, Robben, Ribery, Muller, Kroos te hoin an chawm dawn a ni a, season tharah chuan goal thun a harsat lutuk lo turah beisei phawt ila kan tifuh awm e.
cialis online
cialis generic name
cialis pill
cialis coupons
viagra mail order uk
viagra price
Cleverley VRT ni e, kan pawlte chak lo mahse, report ngaihnawm leh vengvarthlak tak chhiar leh a chakawm tawh alawm, ka tan chuan Euro 2012 a tawp ta der mai……….>>>>>>>
@Zochhunga: Nia Semi final kha publish tur awm lo mi, ka pawlte chak lo mahse chhiar a chakawm hrim hrim lawm.
Mandzukic chuan gomez te chu a nek chhuah zawh ka ring love, mahse football ania, thil thleng thei lo awm hlei nem.
Pu Admn, engatinge Euro semi finals results hi in tarlan miah loh a, kan lo beisei ve tehlul nen awwwwwwwww
Bayern ho chu an va tang ve mawle. Euro a zo chho tan a, transfer boruak pawh a hot chho tan dawn e. Good post