He pa hi chu footballer chanchin ngah tak hi chu a va ni em ! A khel tha emaw khel chhia emaw, a khel emaw khel lo emaw, media te ngaihven ber hi chu a la ni reng tho a nih hi.
David Beckham hi Manchester United ti Manchester United tu ti a mi tam takin an sawi thin a ni a. Mah se kum 10 zet a khelh hnuah, neuh neuh a awm chho tan a, 2003 khan Real Madrid a zawm daih a nih kha. 2007 khan LA Galaxy zawmin kum 2 chhun loan-in AC Milan ah a khel leh a. Tuna a club LA Galaxy ah hian a contract hi tun kum tawp hian a tawp tawh dawn a, club tam takin an duh thu an lo sawi chhuak tawh a. PSG, QPR leh Tottenham te hi club hming langsar zual deuh te chu an ni.
Fapa tlan bo ang deuhvn Manchester United ah hian let leh a duh a, Manchester United nen a inzawmna neih a duh thu leh a hmangaih hmasa a let leh hi a duh thu a sawi chhuak a ni. The Sun chanchinbu in a teammate hlui Zidane anga Real Madrid zawm leh a, advisor anga awm a duh leh duh loh a zawhna ah chuan a duh thu a sawi bawk a. “Ka football career ah chuan 1999-a Manchester United, treble champion kan nih kha a hlu ka la ti ber “ tiin a sawi thung.
Manchester United hi lo zawm ta reng pawh ni se kum 36 a ni tawh a, player ang chuan a luh a rinawm tawh lova, coaching staff ang hian Sir Alex-a hian a fapa tlan bo hi a duh kher dawn emawni tih hi zawhna lian tak a ni.
Source : www.goal.com
Cialis no rx required
Cialis from canada
nia mawle. hepa hi cuan boruak a nei ve hrim2 a. England tan a khelh dawn loh pawn an hruai ve zel tho chu nisia, mi pakhat hi cu a ni ve chiang alawm !! rawn kir leh se chu ka ti ve ngawt mai.
Beckham hi chuan lung a tileng ve a ni. Amah vangin Manchester United a lar chu kan ti thei hauh lo ang a, mahse a lar zual phah ve chuan ka hria. Player ang pawn rawn let leh mai mai se ka la duh tho mai.