Pre-Olympic Qualifier match India leh Qatar in an khelh mek chu Ni 23 June 7:00 PM ah hian 2nd leg chu Balewadi Sports Complex, Pune ah khelh ani leh dawn ta. He inkhel hi Ten Action tho in an live leh dawn a, 7:00 PM atangin an live tan ang.

Kan hriat theuh angin 1st leg ah India chu 1-3 in Qatar lakah an home an an zuk tlawm anih kha. Mahse away goal khat an rawn hawn a, heihi India hian an chakpui hlauh ve thei tlat. Game a factor hrang hrang awmthei te lo thlir teh ang

1. Home Advantage : Home advantage pawimawh zia kan hria. Mahse India rama football khelh ah hian entu mipui an tam ngailo. India in Myanmar an tum tum pawh khan mipui an tam lemlo, Football atchilh zual ho bak an kal lo a, Ram chhung anihna bak kha mipui lam atang chuan beisei asang lo hle ani. Mizoram te hian hetiang khelh theihna te hi nei ila chu Supporter kan tha dawn a, away team te au zam tham chu kan kal dawn hrim hrim a. Kan rama field te tih changtlun hun a nghahhlelhawm hle a ni.

2. Field : Shiv Chhatrapati Stadium, Pune field an hmang dawn a. He field ah hian international match an khelh hmasak ber chu Pre-Olympic qualifier match Myanmar nena an inkhelh kha ani a. Tun hi an vawi hnih hmanna tur ani. He field ah hian India team te hian an practice a, a field hi an hrechiang thawkhat turah ngaih ani a. A field pawh atha a, duhthusam ani a, chumai bakah India captain Raju Gaikwad a long throw thiamna tak ani an la ti ta deuh deuh a. A field hian engemaw chen chu awmzia a nei turah beisei ang.

3. Weather : Qatar team te hi ruahsur hnuaiah an khel ve ngai lo tluk a ni. An ram tam zawk chu thlaler ani a, ruah a sur ve mai mai ngailo. India ramah chuan ruahsur hunlai ani a. Weather forecast ah pawh naktuk ah hian sur leh ngei turin an dah a, hei hian India team te, ruahsur mai bakah diakah pawh lo khel zeuh zeuh thinte hi a pui hle turah ngaih ani. Qatar a an khelhna kha AC vek ani an ti a, pune ah chuan a AC dawn lo a, mahse khawlum a awm thang ve ve anni a, humidity avang te a nih ngawt loh chuan Qatar team te hi an buaiphah lo ang

4. Experience : Tunah chuan first leg an zo ta bawk a, India team te pawh in Qatar player te an hre chiang tawh anga, khelh dan tur, ven tur te ataka experience tawh annih avangin ahma ai chuan qatar lam an hmachhawn dan pawh dang deuh tura ngaih ani.

5. Game Plan : Player inthlak an awm dawn lo a, angai bawk khan an khel leh dawn. An game plan hi an thlak tur thu hriat ani lo a. Game hmasa a an khel anga an khel leh anih chuan, beisei asang lo khawp mai. Long ball an in pe a, an in pass dik hleithei si lova, D-Line chhungah an head khalh thei bawk si lova. India defender ten Qatar forward an umphalo bawk si a. Game style pangngai anga an rawn ti leh anih chuan India chuan maian chan bak chan tur annei lo ang.

6. Energy : India player te hi thawhtanni ah India ram an rawn let lehnghal a. Qatar player te hi nilaini ah India an rawn thleng chiah a, chu pawh India rama tum phalna an neih lawkloh avangin Doha ah darkar 8 vel an tang phawt a, an rawn thleng tlai a, chauh nen, practice na hun an ngah dawnlo bawk nen, an nih tur ang anni phalo maithei bawk ani.

7. Away Goal : India hian an away goal hi an hum ngei ngei angai a. India keeper Laxmikant Kattimani chuan minute 90 chhunga a theihna zawng zawng a pek a, a game khelhtawh a zawng a a khelh that ber tum a khelh angaih rualin a hmalam in an tihtur an tih ve angai a. He game ah hian India mi te mit chu Laxmikant Kattimani leh Jeje Lalpekhlua chungah a fu thup dawn ani ber mai.

Tun dinhmunah chuan Qatar hi a beiseiawm zawk anni ngei mai. Mahse sawi fo thin angin game ani a engpawh thleng thei ani. India leh Qatar intum hnuhnun ber, Guangzhou Asian Games-ah khan India hian Qatar team hi anlo hneh tep tawh a, a tawp minute 80 thlengin 1-0 in India hian an lead a, mahse Qatar hi an rawn lehthal leh a, hetiang tho hi India chungah pawh thleng thei ani. Tun tumah hian India Home ground ah ngat an in khel dawn a, an chaklo ang tihngawt theih ani bik miahlo.

Qatar lam that zia chu kan hmu tawh a, India player te pawh kan hmu bawk a, Beiseina mei de set set ti alh hluah hluah turin kan beisei lo theilo. Mahse beisei erawh asang mawh khawp mai. Engpawh thleng thei ani a, India team tan duhsakna kan hlan a, abik takin Jeje-a leh didika te duhsakna sang ber kan hlan ani.

1st leg Highlights: