Nizan Premier League inkhel ah City in Chelsea 2-1 an lehthal a, match 29 khelh tawh ah point 69 hmu in Man Utd nen an inthlauhna point 1 a ni leh ta. Liverpool in 2-0 a hma an hruai hnuah 3-2 in QPR lakah an tlawm a, Tottenham in min 90 ah Vander Vaart goal hmang in Stoke City an draw hram bawk.

Man City 2-1 Chelsea :

Etihad Stadium ah inkhel hmuhnawm tak ah Man City in Chelsea an hneh hram a, inkhel tan tirh atang in Man City in ball an chang tam zawk a Samir Nasri leh Aguero te an hlauhawm thin hle. Chelsea pawh an ball chan chhung in chance an nei nual a, a bik in an defensive midfielder Micheal Essien khel a tha hle 1st half ah goal a lut lo a game erawh a hmuhnawm tluan parh thung. 2nd half ah game inhnehtawk hle a chak tum ve ve an ni bawk a game tempo a sang hle. Min 60 na ah Chelsea defender shot chu City defender in lo dang pial in a goal a Chelsea in hma an hruai. City lam an tang nghal a, theihtawp in an nawr a goal erawh an thleng thei meuhlo. Min 78′ ah Micheal Essein chu penalty box chhung ah a hand ball hlauh mai a, hei hi Aguero chuang chiang tak in goal a khung a 1-1 a ni ta, City in an nawr chhunzawm zel a, substitute Tevez a rawn lut a fans ten an lo lawm thiam hle. Min 85′ ah khel tha em em Nasri chuan ball a khalh lut a Tevez chu box chhung ah pe in , Tevez hian Nasri tan ball fing tak in a pe a, Narsi hian Cech dan hma in mawi tak in a pet goal a 2-1 a ni a, goal dang awm tawh lo in hun a tawp ta a ni. Matteo chuan Chelsea a enkhawl hnu ah vawi khat nan chakloh hmel a hmu ta a, Chelsea hi table ah 5na ah awm in Tottenham aiin point 4 in an hniam ta rih a ni.
Match Statistic: BBC

QPR 3-2 Liverpool

QPR in Liverpool an home ah ropui tak in an lo hneh a 2-0 in Liverpool in hma an hruai hnuah QPR hian 3-2 in an lehthal leh a ni. Liverpool in ball chang tam in midfield an control em em a , amaherawhchu an harsatna goal thun ber an ti thei lo. 1st half ah goal awmlo in an in tha then phawt a, 2nd half ah pawh an in nawr tawh zak zak a, goal hmasa ber hi min 54′ ah Liverpool defender palian Sebastian Coates chuan mawi tak in Corner ball reverse atang in a hem luh a ni a,min 77′ ah Suarez shot chuan goal ban a per a, ball lokir leh chu Downing chuan lo chang in player pahnih a bum hnuah a shot a, keeper lo dan per chu Kuyt chuan a hnawl lut a ni. QPR an zam bik lo a min 77′ ah Derry chuan corner atang a ball lo kal chu a head goal a, min 86 ah Liverpool player hlui Cisse chuan a head goal leh bawk. In draw in hun a tawp mai dawn a maw tih hnu ah injury time 90+’ ah Mackie chuan Liverpool defense talbuai kar atang in ching zet in a pet goal a, huna tawp zui ta a ni. Tihian QPR hian relegation zone an chhuahsan mai bak ah Liverpool tan Champions League khelh beiseinaa bo zui nghal bawk!
Match Statistic: BBC

Tottenham 1-1 Stoke City

Tottenham in an home ah Stoke City an mikhual a match 4 na atan chak hmel an hmu leh ta lo! He in khel ah hian min 75′ ah goal a lut chiah a Stoke striker Jerome chuan hnai tak ah goal a khung a, hei hi an chak pui mai dawn tawh a a lan hnu ah Vander Vaart chuan 90′ ah head goal in 1-1 in an intha then ta a ni.Tunhnai ah Tottenham in an game tempo a hlauh tih a hriat hle a.Point 54 hmu in Arsenal in point khat in an rawn lehpel ta a. Chelsea an insiam rem ve zel avangin palina pawh a ni phalo ang tih a hlauhawm ta hle a ni.
Match Statistic: BBC