Football laimu chu footballers te an ni. Footballers tel lovin football a awm thei lo a, football ah chuan players te hi a lai takah an awm a, match officials, fans, manager leh midangten kan kal hual ve chauh a ni. Footballers te hi an hlu a, chawimawi an phu a, ennawm min entir bakah hlimna leh lungngaihna, nuihna leh ṭahna min thlentu a ni. Footballer ṭha chuan chawimawi a phû ngawih ngawih a ni.
Premier League in kum 20 (1992/93 – 2011/12) a tlin denchhenin Premier League-a khel tawh zawng zawng zinga ‘ropui’ ber thlan tur a ni a. Tunah hian player 10 thlanchhuah tawh niin, journalist, commentators leh expert thlan bik te awmna panel in uluk takin heng players te hi a enfiah leh vek ang a, an zing aṭangin Premier League player ropui ber thlanchhuah leh a ni ang.
Nominees 10 te hi order bik pawh awm lovin a hnuaiah tarlan an ni a, Manchester United hi an champion ngun deuh a, player pawh an thawh hnem deuh. Tunge thlan awm ber nia i hriat le?
(PFA = Professional Footballers Association
FWA = Football Writers Association)
1. Dennis Bergkamp
Club: Arsenal
Premier League Seasons: 11
Appearances: 315
Goals: 87
Titles: 3
PFA Player of the Year: 1
PFA Team of the Year: 1
PFA Young Player of the Year: 0
FWA Footballer of the Year: 1
Dennis Bergkamp tluka Arsenal in an leifuh hi an tam bik lo khawp ang. June 1995 ah Arsenal a zawm a, ball thiam chungchuang, mit fing leh finishing hlauhawm tak a ni. Goal a thun theih piahlamah, goal ropui leh pawimawh a thun thei em em a, a vanglaiah ngat chuan Premier League defender ten ani aia hlauh an nei chuang awm lo e.
2. Eric Cantona
Clubs: Leeds United, Manchester United
Premier League Seasons: 5
Appearances: 156
Goals: 70
Titles: 4
PFA Player of the Year: 1
PFA Team of the Year: 1
PFA Young Player of the Year: 0
FWA Footballer of the Year: 1
A kawrnghawng thlep lo chung ngeiin football field-ah a’n tlankual a, he French pa ropui hi Premier League ti Premier League a, Manchester United ti Manchester United tu pakhat chu a va ni chiang em. Premier League-a season 5 chauh awm mahse a awmchhung hian England-ah hnuhma chhinchhiahtlak tak tak a hnutchhiah hman a ni.
3. Ryan Giggs
Club: Manchester United
Premier League Seasons: 20
Appearances: 593 (as of 04/04/2012)
Goals: 107
Titles: 12
PFA Player of the Year: 1
PFA Team of the Year: 6
PFA Young Player of the Year: 1
FWA Footballer of the Year: 0
Kum 20 chhung Premier League-a khelh theih hi thil ropui a tling a, kum 20 chhung Manchester United tâna khelh theih phei chu a ropui lehzual. Ryan Giggs hi English football-a players zingah champion medal dawng ngun ber a ni a, Premier League season 20 ah hian goal a la thun ziah bawk a ni.
4. Thierry Henry
Club: Arsenal
Premier League Seasons: 9
Appearances: 258
Goals: 176
Titles: 2
PFA Player of the Year: 2
PFA Team of the Year: 6
PFA Young Player of the Year: 0
FWA Footballer of the Year: 3
Premier League-ah, Arsenal legend Thierry Henry tluka striker ‘class’ an awm kher lo lo ang. August 1999 ah Arsenal a zawm a, ball a thiam a, a tlanchakin phit thutah a ṭha lehzual. Goal thuntu ropui a ni a, khawi hmun aṭang pawha a pet goal thei zel kha a hlauhawmna tizualtu a ni. Arsenal tâna goal thun hnem ber a ni a, a vanglai chuan England mai ni lo, khawvela striker ṭha ber pawl a ni. FWA Footballer of the Year vawi 3 dawng thei awmchhun a ni nghe nghe.
5. Roy Keane
Clubs: Nottingham Forest, Manchester United
Premier League Seasons: 14
Appearances: 366
Goals: 39
Titles: 7
PFA Player of the Year: 1
PFA Team of the Year: 5
PFA Young Player of the Year: 0
FWA Footballer of the Year: 1
Roy Keane. Premier League player zingah chuan a ‘man’ ber pawl a ni hrim hrim awm e. Midfield ropui a nihna piahlamah a huaisenna leh team tâna inpe ral raih a nihna hi a hunlaia Manchester United hlawhtlinna bulpui pakhat a tihtheih awm e. Sir Alex-a’n ‘hetiang player nena inkungkaihna neih hi ka tân chuan chawimawina ropui tak a ni’ a ti hian Roy Keane ropuizia a tichiang awm e.
6. Cristiano Ronaldo
Clubs: Manchester United
Premier League Seasons: 6
Appearances: 196
Goals: 84
Titles: 3
PFA Player of the Year: 2
PFA Team of the Year: 4
PFA Young Player of the Year: 1
FWA Footballer of the Year: 2
Tunhnaia kum 5 kalta chhunga Manchester United hlawhtlinna player thawhhlawk ber chu Cristiano Ronaldo hi a ni awm e. Tlanchak, ball thiam leh goal thun thei chungchuang a ni a, engmah lo aṭanga ‘goal’ siamchhuak thei a nihna hi Ronaldo ‘special’ na a ni.
7. Paul Scholes
Clubs: Manchester United
Premier League Seasons: 18
Appearances: 476 (as of 04/04/2012)
Goals: 104
Titles: 10
PFA Player of the Year: 0
PFA Team of the Year: 2
PFA Young Player of the Year: 0
FWA Footballer of the Year: 0
Zinedine Zidane-a’n “Paul Scholes khelhpui na chance ka nei lo kha ka career a ka ui ber pakhat a ni.” a tih aṭang ringawt pawhin Scholes ṭhat zia chu a hriat theih ang. Ball pass thiam hmingthang leh a nih piahlamah midfield aṭanga goal thun thei leh inkhel thununtu ber a ni a, tun thlengin Manchester United player pawimawh a la ni ta fan a nih hi.
8. Alan Shearer
Clubs: Blackburn Rovers, Newcastle United
Premier League Seasons: 14
Appearances: 441
Goals: 260
Titles: 1
PFA Player of the Year: 2
PFA Team of the Year: 6
PFA Young Player of the Year: 0
FWA Footballer of the Year: 1
Premier League-a goal thuntu ropui ber. Kum 1994-95 season ah goal 34 thunin Blackburn Rovers chu Premier League-ah a champion pui a, hemi hnu hian Newcastle United ah insawnin Tyneside ah chuan an pathian biak lo chauh a ni ber. A ke dinglam leh veilam bakah a lu thlengin a hlauhawm vek a, striker dik tak, pet goal thei a ni. A khelh ṭhat chuan a dan theih loh.
9. Patrick Vieira
Clubs: Arsenal, Manchester City
Premier League Seasons: 11
Appearances: 307
Goals: 32
Titles: 3
PFA Player of the Year: 0
PFA Team of the Year: 6
PFA Young Player of the Year: 0
FWA Footballer of the Year: 0
Arsenal ‘Invincibles’ hokhawmtu leh innghahna chu Patrick Vieira hi a ni. Player rum tak, fair tak si, midfield general dik tak a ni. Arsenal player ropui a ni mai lova, Arsenal midfield kha ‘level’ tharah a hlangkai an ti ṭhin.
10. Gianfranco Zola
Club: Chelsea
Premier League Seasons: 7
Appearances: 229
Goals: 59
Titles: 0
PFA Player of the Year: 0
PFA Team of the Year: 0
PFA Young Player of the Year: 0
FWA Footballer of the Year: 1
Chelsea fans ‘dik tak’, Abromavich-a’n a lei hma aṭanga ṭan tawhte chuan Zola hming an lam apiangin an rilru a hlim ṭhin ang. Khatih laia Chelsea manager Claudio Ranieri chuan “dawithiam” ti hialin a ko a, ball a thiam zia enin a awm lo lem lo e. Kum 1997 ah Premier League full season pawh khel lo chungin FWA Footballer of the Year ah thlan a ni a, season pum khel lo chunga dawng thei awmchhun a ni. Chelsea player zinga he chawimawina dawng thei hmasa ber a ni bawk.
source: premierleague.com
cialis generic
cialis coupon
cheap cialis online
buy cialis online
Buy cialis in usa
Cialis health store
Tu pawh hian dawng se an phu ber ani mai..
Shearer emaw, Giggs emaw hian an dawn ka ring keipawh.
Kan comment sual chu le Aln Sherear a awm ber akhel hmu vaklo mahila Next ah Giggs
Kan hmelma pa Sir Alexa ani sa 1oo% in ka chiang e ani hi chu awm lo se EPL hi Man U hian Cup an la tlem ngawt ang.
Hmelma pa bwk,Giggs khi a wm br lm mle,tin,midag ho hyan FWA/PFA award or title an la dh vk a,Zola berkher khi atha th hre theuh mah ila,chelsea ruhkwl ho tan pwn Terry/Lampard emww te chhwpchhuah nse an th ka ring deuh mai2
.henry hyn phu ve khop cuan ka hry
Ka ngaihtuahna la ve deuh chu, nominees zingah defender an awm miah lo.
Giggs hi winger a nia, thuntu aiin siamtu a ni mah zawk. Ka lawm e
Giggs hi a khelh rei tawh tehreng nen 4ward ni si-ah chuan goal a va lo thun tam lo ve, lawmman pawh hi a dawng tlem ka ti..
Cristiano khi tlemin Premier League ah khan awm rei deuh se chu a phu ber chu ka ring, mahse tunah chuan Giggs aia phu an lo……
A ngaihnawm hle mai…expert ka ni ve emaw ni tih mai turin ka duh ho chu an kim khawp mai…
Tehna hrang hrang atanga ka lo teh ve dan in Cristiano Ronaldo chiah khi Legend tih tak tak tur huangah a awm ve phalo in ka hria…a aiah hian-
Peter Schmeichel, Tony Adams, David Seaman, Gary Pallister, David Beckham, Sami Hyypia, Jaap Stam, Teddy Sheringham, te ho hi tel se an awm zawkin ka hria…
Tin, tunlaia la khel ah chuan Rio Ferdinand, John Terry, Frank Lampard, Steven Gerrard, Wayne Rooney te ho hi awm se an awm tho in ka hria…
Steve McManaman, Ian Wright, Michael Owen, Gary McAllister te pawh hi khimi list hnuai chiah velah khi chuan an awm khawp chuan ka hre bawk
Ryan Giggs hi a awm hliah hliah ka ti
Hei pawh ngaihnawm lehpek khawp mai. Cantona or Shearer ka ring tlat ! GOod post macha