AC Milan chuan an striker Kum 30 mi Zlatan Ibrahimovic chu an hralh dawn ngei niin a lang ta.Vawiin hian engkim tih chian rin a ni.

PSG Sporting Director phei chuan “Zlatan hi kan player a ni tawh” a ti. Italian media thenkhatin an tarlan dan chuan he striker kum 30 mi manah PSG hian €23m vel an seng dawn niin a lang a, an indawrna zat chiang kuang taka tarlan ni lo mahse Ibrahimovic leh PSG te hian kum khatah €13 million vel hlawh turin an in be rem nia tarlan a ni. Leonardo chuan “ Thuthlung chu ziah fel a ni ta, engkim a fel tawh, Zlatan hi kan Player a ni ta” tiin La Gazzetta dello sport chu a hrilh a ni.

Ibrahimovic-a agent Mino Raiol chuan News reporters te hmaah thu sawiin “Tute pawh hi kan hlim vek a, Zlatan pawh he hmun a lo lut thei tur hi a hlim a ni,” a ti. Zlatan Ibrahimovic chuan engkim a fel thei hi ka lawm a, he hmun a ka khel tur hian min ti phur takzet a, chona thar ka hmachhawn naah hian theihtawp he team leh fans te tan ka chhuah dawn a ni a ti.

PSG hian vawiin hian Press conference an ko dawn a, he hunah hian Team Director leh President Nasser Al Khelaifi te pawh an tel dawn, Zlatan Ibrahimovi chu mipui hmuh theih tura pho lan an tum a ni tawh hmel. Ani pawh hi tel tura beisei a ni.