Iniesta hi tan lem lo mah la, Real Madrid fans i nih loh chuan i haw hran lo ang. Football ah hian ‘good guys’ an tih mai, club dang fans te pawhin a an huat (ngei) hleih theih miah loh hi an awm ve a, Raul, Xavi, Zanetti te ho hi ‘the good guys’ zinga mi an ni awm e. Hetih lai hian en liam mai theih miah loh, TV-a an inkhel lai hmuh ringawt pawha ngeiawm an awm ve bawk. Tun tum chu heng ho zinga mi thenkhat i han thurchhuak teh ang.

(An indawt dan ni kher loin, a lang hmasa sa hi an ngeiawm bik tihna a ni kher lo).
Sergio Busquets

Busquets hi khawvela tlu der peih ber a ni awm e!! (Nani leh Dani Alves te ai pawn a tluder nasa tihna). Thildang ah hi chuan han huat na chhan tur a tam lo, mahse field chhunga a tlu der leh na der nasa lutuk hi hmuh a hrehawm a, mi pangngai tan chuan a zahthlak hial. Hei hi han en ve leh chhin teh u.

Wayne Rooney

Uluk taka Premier League i zui chuan Wayne Rooney hi i tan hle a nih loh chuan i haw hle awm e. He English striker thinchhe zet (hma chu a sawn tawh viau) hi player ngainatawm tak a ni ngai lo hrim hrim a, nikum phei kha chuan a che chhe lehzual. Nupui nei chunga KS a mutpui thin thu a lar hluai a, a hmingchhiat lai takin a khelh mekna club Manchester United chhuahsan a duh thu a sawi a, player nei tha tawk lo leh tum hniam lutuk angin a sawi zui. Sir Alex-a leh United fans te an sa hman ngei mai.
World Cup ah English fans hoin an boo avangin a ang hrep a, field chhungah a nawi phian bawk si. Camera hmaa a thusawi fimkhur nachang a hre bawk si lo (West Ham match kha), football hi thiam viau lo se chu eizawnna tur a buai ve nak a rinawm.

Mario Ballotelli

A theihna en hi chuan player ropui tak a la nih ngei a rinawm a, a insiamtha hle a nih loh chuan tantu aiin ngeitu a ngah tulh tulh dawn tih erawh a chiang. Inter Milan-ah teenager ni chungin dressing room boruak a ti chhe pha ngat tawh a, Manchester City ah pawh a ‘popular’ pawl chu a ni hauh lo. Training ground ah a teammate te nen an intibuai zeuh zeuh tawh bawk.

A thiam tih chu hai rual a ni lo. Mahse a selfish leh thatchhe lutuk hi City fans takngial pawhin hmuh hrehawm an tih a rinawm. A hairstyle lah hi a han thing thei em em khawp.

John Terry

Chelsea fans i nih loh a, regular taka EPL i en bawk chuan John Terry hi i haw lo thei lo. A hman chang apiangin referee a ankhum emaw tih mai tur a ni thin (opposition player ho a ankhum phei hi chu chhiar sen pawh a ni lo ang). A thinchhe hle a, a game rough lutuk pawh hi ngei a hlawh chhan pakhat a ni ngei ang.
Thiante nupui hlui han kawmfal (Wayne Bridge) mai te hi a harsat lo phian a, press hmaa mahni coach te han sawisel mai (Capello) te hi a la ching leh ta nghal.

Cristiano Ronaldo

Mi tamtakin khawvela footballer ‘complete’ bera an ngaih Cristiano Ronaldo pawh hi huat(ngei) loh theih loh te zinga mi a ni. A tluder nasa lutuk thin kha ngei a hlawh nachhan ber a ni awm e. Tunah chuan tlukder tak hi chu a ti vak tawh lo a(busquets hian a dah nil tawh khawp mai), mahse referee in a duh loh dan a a ham apianga sawi tur a lo nei ziah hi hmuh a ninawm. Game pawimawhah bo daih te hi a hrat a, Barcelona nen an intuma Guardiola a nam kha (pic) thil tul lo tak a ni awm e.

A dang pawh an la tam ang. Heng ho hi ka thlanchhuah ho an nia, duh duh a thawhbelh theih.