Spurs chuan Champion nihna an beihna kaltluang zelin table mawngphaha awm chhunzawm zel WIgan Athletic chu Modric leh Bale-te goal hmangin an hneh. Minute 29-naah Midric ball vawrhluh ṭha em em mai chu Bale hian lo hêm lutin si khat faiin hma an hruai a, hemi hnu lawk minute 34-naah Modric chuan awlsamte, nalh bawk siin a thun leh a, si hnih faiin hun chanve hmalamah hma an hruai a, goal hlauhawm lutuk awm lovin chawhnu chawlhin a chhunzawm. Hun chanve hnulam an khelh hnu rei feah Assou Ekotto ball kenluh chu Bale-a’n goal-ah lo khungin si thum faiin hma an hruai der. James McArthur chuan mualpho thup deuh nan minute 81-naah Wigan tan a thun ve ṭawk a ni.
Tottenham Squad- Friedel, Bale(2goals), Kaboul, Ledley King, Walker, Assou-Ekotto(Assist), Scott Parker, van Der Vaart, Modric(Assit+goal), Kranjcar, Adebayor.
Wigan Athletic- Al Habsi, Caldwell, Boyce, Ronnie Stam, Figuerora, McCarthy, Watson, Victor Moses(Goal), Jordi Gòmez, Beausejour, Di Santo.
Tunah hian Tottenham hi 3-naah tho la awmin point 49 an hlawhchhuak tawh a, anmahni hnaihbertu Chelsea-in point 42 hmuin 4naah an awm a, United aiin point 5-in an inthlau thung a ni.
Spurs ho an rawn che hit ve tan e, an champion chu ka ring chiah lo a mahse UCL hi chiang saah ka dah sak hmak…
@Zama…Spurs ho vang hian UCL kan khel thei lo leh ang tih ka hlau nia…an ninawm ta hle mai….:)
Spurs ho hi ka tan riau keichu.. Manutd hi champion ila, SPurs hi 2na nise tha ang 🙂
Wigan fans tan chuan lo tah lawk a sual dawn loh hi 🙂
kha2 nimayyy ….. go spursss !!!