TEAM LINEUPS :
1st half : A teuh ral!
Inkhel tan a ni a, Donetsk khawpuia Donbass Arena-ah Ukraine fans ten boruak an siam hle a, English players te an au zam mai dawn emaw tih theih tur khawpin thawm an nei tha a ni. Inkhel tan phat atangin Ukraine in ball an chang tam zawk a, a nawrtu zawkah an tang nghal. Pu ber Shevchenko chu an practise naah a inhliam avangin a khel thei lova, tin, England lamah erawh chuan an thiampuipa Wayne Rooney a rawn kir tawh bawk a, Roy-a chuan a laiah rinlawk ang ngeiin Danny Welbeck nen goal a nawr tir.
Inkhel a hmuhnawm a, Ukraine an khel tha hle a, England erawh anla insiamtha thei meuh lo. Ukranian fans te thawm ring tak hnuaiah English players te an zam emaw chu aw a tih theih. Ukraine lamin goal attempt an nei nual a, minute 6-na a Garmash shot goal loh pawh a uihawm kher mai.
Zawi zawiin English players te an insiamtha zel a, chances erawh an nei hleithei bik lo. Minute 17-na a Konoplainka shot John Terry-a lo dan sak pawh a uihawm duh kher mai. English players te a bet zawkah an tanga, goal thun mamawh Ukraine te goal nawr a na kher mai. Minute 21-naa Oleg Gusev pet goal loh pawh a uihawm leh kher mai. Goal attempt Ukraine in 7 an neih laiin Football hmuchhuaktu, England erawh pakhatmah an nei lo thung.
English players ten theihtawp chhuahin han nawr let ve thin bawk mahse goal hlauhawm erawh an siam hlei thei meuh lo. Dan pangai angin goal nawr nan a sir kil an hmang leh a, minute 28-na ah Ashley Young chuan vei lam kil sirah ball tlan luhpuiin tha zet in a rawn cross a, mahse Rooney chuan hnai set sawt atangin alo tauh goal lo hlauh. Team pahnih ten ball an inchan chhawk zak zak a, minute 31-na a Ukraine midfielder, Adriy Yarmolenko-a goal shot tha lutuk England keeper, Joe Hart a lo dan per pawh a uihawm duh kher mai.
Midfield-ah Ukranian midfielder te an chungnun em avangin inkhel thununtu chu Ukraine an ni lo thei lo. Scott Parker leh Steven Gerrard ten beisei an phak lo hle a, English defender te erawh an fakawm thlawt. First half a zova, team pahnih te goal nei lovin an in tha then.
2nd half : A hun takah Rooney!
Second half tan a ani a, chawlhlawk laiin England manager chuan thu lawi lo mai mai a sawi lo a ni tih lantir nan England chu inkhel thununtu zawk anni ta tlat mai. Minute 48-na a nih meuh chuan England chuan corner hlawhchhuakin Skipper, Steven Gerrard chuan a pet a, mahse vanduaithlak takin Ukranian defender chuan a lo tauh per sak a, mahse he ball per hi defender vek Glen Johnson chuan lo la fuh in dinglam kil sir a awm, Gerrard chu a pe chhova. Ani hian mawi lutuk a Ukraine player pakhat bumin a cross thla a, hei hi Ukraine keeper chuan lo man pialin Wayne Rooney chuan hnai set sawt atangin awlsam takin a lo tauh goal ta a ni. Donbass Arena-ah English fans ten thawm an nei tha kher mai.
England players te an phur sawt a, hetih lai hian chak mamawh Ukraine players ten an si phurh sut ngei tumin an bei let ve a, inkhel a hmuhnawm kher mai. Team pahnih ten goal an innawr chhawk zak zak a, England chuan minute 54-na ah James Milner-a hmangin goal an thun teuh leh hle. Hetih lai hian Ukraine lam pawhin goal an thun teuh thei fua fua kher mai.
Minute 62-na a ni a, Ukraine chuan counter attack atangin goal an thun ve ta! Mahse referee, Kassai chuan goal-ah a pawm tlat lo mai!!! Marko Devic chhuan tha lutuk in goal-ah shot a, Joe Hart chuan lo dan sak mahse ball per kang leh chu England goal ah tla lut in,hei hi lei a thlen hmain John Terry chuan a rawn pet chhuak leh ta a ni. He thil hi competition a zawh hunah pawh sawi hlawh ber te zinga mi a ni ngeiin a rinawm. Ball khan line a pel a, mahse, match officials-te chuan an hmu miau lova, goal ah an pawm ta lo a ni. Mahse, match officials ten a goal leh goal loh an hre thei miah lo kha thil mak tak a ni. Ball kha muang changin goal-ah a lut a, goal line zawn a awm tan chuan hmuh loh theih a ni lo.
Minute 68-na ah Ashley Cole chuan a pet goal teuh leh kher mai. Hemi hnu lawk hian Ukraine pawh in Konoplienka hmangin goal an thun teuh leh kher mai. Team pahnih te an innawr chhawk zak zak a, Minute 75-na ah Rooney pawh in goal a thun teuh leh kher mai. Ukraine in goal hnih thun an mamawh a, England erawh in goal khat aia tam an chhuah thiang lo thung. Hei vang ringawt pawh hian he inkhel hi a hlu ngawih ngawih ani tih chu a hriat reng mai.
Ukraine in tih goal ngei an tum a, midfield laia Ukraine midfielder ball in pass kual vel chu a hmuhnawm kher mai. England pawh in tih goal leh ngei tumin an nawr let ve bawk a, mahse an ti goal hlei thei tawh bik lo. Hun tawp dawn lamah Ukraine manager mangang chuan an captain Shevchenko chu inhliam chungin an rawn tir lut ta nge nge a, danglamna nasa tak erawh a rawn thlen lo thung. Ukraine in nawr viau thin mahse goal erawh an thun hlei thei lo. thung. English defender te an thawkrim bawk a, an fakawm thlawt a ni.
Inkhel a tawp a, England chuan quarter-final an thleng ta! Ukraine players te an khel tha viau na in an vanduai hle a, chutah an tih goal ngei ngei goal in an hamsak lo bawk nen an lainatawm tak zet zet a ni. Ti hian England hian Quarter-final-ah Italy an tum dawn a ni.
All images and stats from bbc.co.uk & getty images
cialis daily cost
cialis canada
cialis pills
cialis discount
How to get cialis in canada
Generic cialis cheap
Khatiang goal cianglo ltk kha cu pawm loh a him zawk
England te meuh hi cu match official te ph hian an tan ve in k hria, line judge khn a lut hman a ni tih a hre tho ag
Ka sawi tawh kha, Rooney rawn lang hun tur ka sawi tawh kha, a dik lo tih sawi a, min hnial a har ve ang. Mahse goal chiang lutuk goal lo an tih kha chu, a sira, line judge ding ve khan tangkaina a nei lo tihna a nia, sipai tha mi ang chauh ani kha. goal mahse, rooney a goal a tawk tho2. AAAAAAAAAAAAAmen (>)
Goal ang deuh siam tur khan offside hmasa tlat a, offside hnu a pet goal hi chu inkhel dangah pawh an pawm lo tlangpui….Group champion kha an phu thlawt Goal score tam ber na na chu…football a nia….
England hi ka tan ber dwttu an nia..mahse,an khelh dan phung,ball an thiamlo lutuk hian ka ngainat a hlwh thlwt lo ani.! Italy hi an hneh ka rig twh meuh lo bwk..
England team hian ball control ah team dang an pha lo vek ka ti. German nen inkhel se an game pangngai a lang thei ber ang. Italy nen pawh hian midfield ah an hneh lo anga. Mahse, an chak thung ang.
England an champion keuh dawn lo chhinchhiah rawh u…hei hi….
A goal mahse referee ten a goal lo anti 🙂 commentator te sawidan takin a rang em a, hmuh leh hmunah decision siamnghal angai sia, goal lo anti ta nih kha.. Mahse Ukraine striker ball latu pawh offside tho a ni a, offside kha lo ham ta se, a controversial lo mai tur nia . hehe
WC 2010-a Lampard-a’n German lama a pet goal, goal lo antih ang deuh kha nia. Tunah England an vannei ve ta nih kha 🙂 Mahse in draw pawh nise England kha group leader an ni dawn tho alawm. mahse game erawh adang viau mai thei thung. kan sawi ta duah nih chu. haha
Kumin hi mi rin loh deuhvn England an chetha dawn.. !!!
@ruatsaka.. nizan goal kha chu a irony khop mai..hehe… hetiang ah hian John Terry hi a vannei thei khop mai.. FA Cup ah te khan!!
england chu an group a eng team mah a khelh a hneh si lovin an tlang ta chu nia, an group a ram 3 te hi an um chhuak a tih theih ang.hahahhaaaaaaaaa
dik e 🙂
test –
http://youtu.be/T70m3aGwffk
a…… comment-ah hian video insert ve theih nangeee
he goal an pawmsak loh ai hi a niang 🙂
Ukraine thun kha a goal asin mawle, engpawhnise, England ka lawmpui a, Ukraine ka tuarpui e
Champion tur chuan vanneih te pawh angai ve a lawm….,
Ukraine kha an khel tha tho na a, england khan an hneh ka ring hrim2 asin.
Welbeck, milner, young an khel tha thlwt lo.
Man of the Match- Gerrard.
England kha champion ta se. .ukraine kha champion chungah ka dah e.
England chu ka tan tho na in..An group game zawng zawng kha neutral tak a thlir let in VANNEI team an ni…a bak chu nakin ah ka rawn sawi zawm ang… Post tha tak a ni e
Commentator in Yarmalenko leh yankoplienka (?) hming a lam ngun zia kha aw..
Second half ah Gerrard a khel tha thlawt e. England in goal 5 an thun tawh a, heng zinga 3 hi gerrard siam a ni.