Man Utd 2-0 Arsenal

Fabio 28′, Rooney 49′

Kar thum kal ta a pali a Champion thei Arsenal chuan Old Trafford ah a zawnin match 7 ngawt chak hmel an hmu thei ta lova, chumai nilovin tun season ah Cup pakhat ah chiah Champion beisei na an nei ta ani.

Manchester United hi an players inhliam an tam avangin Sir Alex-a chuan mi mak tih tur khawp first eleven a rawn thlang chhuak a, Liverpool an hnehloh tum a midfield a khel loh thah, Darron Gibson, John O’Shea, Fabio leh Rafael da Silva te chu midfield ah a rawn hmang a, chutih laiin Arsenal chuan Barcelona an hnehloh tum a khel atangin pali a rawn tlak a, Gibbs an Clcichy rawn thlak in, Aluminia leh Denilson ten inhliam Szczesny leh Fabregas an rawn thlak bawk a, Arshavin chu Rosicky aia thlan a ni bawk.

Mi sing sarih chuang inkhel zingah Arsenal fans sang kua lai inkhel en an awm a ni. Man Utd in midfield pangai an lut tir loh avangin midfield ah Arsenal in ro an rel zawk a tih theih a, mahse Smalling, Vidic leh Edwin te hnung lamah an khelh that ve tlat avangin an petgoal thei tlat lo. Chutihrualin chenna loh ram a cheng da Silva Twins an khel tha phian a, Manchester United goal hmasa zawk Fabio a thun pawh hian Rafael hi a inrawlh thuk hle.

Second half ah Man Utd in an midfield dam kawr ho rawn lut tir tanin game mumal zawk an rawn nei a, Rafael chuan ball tha taka khalin a cross chu Hernandez a khawih hmain Djourou chuan a lo dang per hman a, mahse chu per chu Rooney an Alumnia dang theih lovin Arsenal goal ah chuan a lo thun a ni. Team pahnih hian chance tha tak tak nei ve bawk mahse goal dang a luh tak loh avangin Man Utd chu 2-0 in an chak ta a ni.

Birmingham 2-3 Bolton

Jerome 38′, Phillips 80′ , Elmander 21′ , Davies pen 66′ , Lee 90′

Stoke v West Ham 7:30pm

Man City v Reading 10:30pm