January 9, 2011: India sana-a Thawhṭanni zân (Thawhlehni zing) khan khawvela football thuneitu sâng ber Fédération Internationale de Football Association(FIFA) chuan kum 2011 chhunga mimal leh team chawimawina hrang hrang a semchhuak leh ta. Zurich, Switzerland-a award engemawzat semchhuah zinga football fans te ngaihven leh ngaihhlut hlawh ber, FIFA Ballon d’Or chu Barcelona forward Lionel Messi hnenah hlan a ni.
Award hrang hrang dawngtute chu a hnuaia tarlante hi an ni.
FIFA Ballon d’Or: Lionel Messi (Barcelona)
FIFA Women Player of the Year: Homare Sawa (Japan)
FIFA World Coach of the Year (men): Pep Guardiola (Barcelona)
FIFA World Coach of the Year (women): Norio Sasaki (Japan)
FIFA Puskas Award (Goal nalh ber): Neymar’s goal vs Flamengo (Neymar hi Santos club-ah a khel)
FIFA Fair Play Award: Japan FA (hmeichhe team)
FIFA Presidential Award: Sir Alex Ferguson (Manchester United)
FIFPro/ FIFA World XI:
Goalkeeper: Iker Casillas (Real Madrid)
Defenders: Dani Alves (Barcelona), Gerard Pique (Barcelona), Sergio Ramos (Real Madrid), Nemanja Vidic (Manchester United)
Midfielders: Andres Iniesta (Barcelona), Xabi Alonso (Real Madrid), Xavi (Barcelona)
Forwards: Lionel Messi (Barcelona), Cristiano Ronaldo (Real Madrid), Wayne Rooney (Manchester United)
Post a thui lutuk loh nan award hrang hrangte hi post hran hranah ṭhendarh a ni a, hemi post-ah hi chuan Footballer of the Year (mipa leh hmeichhia) te kan thlurbing bik ang.
FIFA Ballon d’Or: Lionel Messi (Barcelona)
He award dawng thei tur nominees an tihchhuah tirh aṭang khan Lionel Messi hian a dawng dawn tih a hriat theih deuhthaw a ni ber mai. Cristiano Ronaldo (Real Madrid) leh Xavi Hernandez (Barcelona) ten a tâwp thleng el mahse Messi ropuina an dang zo ta lo a, he Argentinian ‘fachuam’ hi kum thum chhung a zawnin khawvela player ṭha ber a ni ta. Ronaldo hming pawh ri ring viau mahse, an trophy pêtchhuah leh game pawimawha an khelh dan thlirin Messi hian a phû ber awm e.
Messi hian kum 2011 chhungin Barcelona tân goal 55 tehmeuh mai a thun a, trophy a dawn zingah Champions League, La Liga, Spanish Super Cup leh Club World Cup te a tel a ni. Messi hian vote tla zawng zawng aṭangin 47.88% a hmu a, Ronaldo chuan 21.6% hmuin, Xavi chuan 9.23% a hmu ve bawk. Award hi Brazilian legend Ronaldo chuan a hlan a ni.
FIFA Ballon d’Or (FIFA World Player of the Year ni ṭhin) hi vawi 3 aia tam dawng thei an la awm ngai lo a, Messi bakah hian Ronaldo (1996-97 and 2002) leh Zinedine Zidane (1998, 2000 and 2003) te kha vawi 3 dawng thei awmchhun an ni ta a ni. Kum 24 a upa Messi hian Ballon d’Or dawng hnem ber record thar a siam ngei dawn ta niin a lang.
FIFA Women Player of the Year: Homare Sawa (Japan)
Japan hmeichhe team captain Homare Sawa chu kum 2011 chhunga hmeichhe football thiam berah thlan a ni. Hei hi Sawa tân FIFA Player of the Year award a dawn hmasak ber a ni a, hemi hma hian Brazilian ‘star’ Marta chuan a zawnin kum 5 zet he award hi a lo dawng tawh a ni.
Homare Sawa hian Japan chu FIFA Women’s World Cup 2011 ah a champion pui a. He tournament-ah hian goal nga thunin Golden Boot a dawng a, tin, tournament Best Player ah thlan niin, Golden Ball a dawng bawk a ni. World Cup-a chetṭhat ngaipawimawh tak FIFA tân Player of the Year award hlan loh rual a ni lo e.
Sawa hian vote 28.51% a hmu a, Marta (Brazil) chuan 17.28% hmuin, 13.26% hmutu Abby Wambach (USA) chu pathumna a ni.
FIFA Player of the year hi khawvel ram hrang hrang national team coach, players leh journalists ten an thlan a ni. An inthlan dan hi mipa in mipa, hmeichhiain hmeichhia tih ang zawngin an kal nghe nghe.
generic cialis cost
cheap cialis
buy generic cialis
goodrx cialis
canadian cialis
cialis online canada
5 mg cialis
Cialis on line pricing in canada
Buy cialis low price
Cialis without rx
Buy real cialis
Mail order cialis
Cup an chawi tam game pawimawhah ah khel tha thin a, hei tak hi ronaldo an Messi a tluk lohna leh Messi a ropui na chu ani, EL CLASICO en thin chuan kan hre theuh awm e, Messi an a phu ber ani.
Tun tum awards chu ka rinlawk ang deuh chiah a ni e.. Fifa XI pawh ka ring dik tam khop mai.. A thiam na na na hi cn an dawng leh nge2 thin. Mahse dawn ti thui tu chu Messi a cup chawi te zinga 2/3 te khi Ronaldo hian chawi ni ve tase tunge dawng xok ang tih hi a ni.. Cup eng tham mah chawi silova 21.6 % a hmu khi a ropui khp mai… congrats to all.
Messi leh Pep Guardiola ten award an dawng hi a awm ngawih ngawih. An ni hian dawng lo te se sawiselna a nasa ngawt ang tih Tiau hrut atangin ka rawn ngaihdan ve e.
“an trophy pêtchhuah leh game pawimawha an khelh dan thlirin Messi hian a phû ber awm e” ka va like tak em o…phu tak ani Messi hian. Vawi 4 vawi 5 poh dawng thei ani. record siam mawlh teh se
ka lom pui e…….
Good Post bengvar thlak thin hle mai
Good post;list a chhuah hma atang khan messi hian a dawn k ring reng a Ni;min hre v lo mahse k lm pui;khups mai;c.ronaldo chuan vawi3 chu a dawn phak ve hmel ta lo mange;P;japan no.10 kha ni em aw;a phu reuh ani E;