MFA NEWS : July 13-ah MPL Playoff & July 30-ah I Day Football Tournament

Mizoram Premier League-a khel thei tur zawnna, MPL Playoff chu July 13, 2012 atanga khelh tan a ni dawn a; July 30, 2012 atangin Independence Day Celebration Invitation Football Tournament 2012 khelh tan a ni bawk ang.

MPL-a khel thei tur team pali – Dinthar FC, FC Kulikawn, Luangmual FC leh Mizoram Police bak team pali dang tan MPL-ah hmun ruak a la awm a, July 13 (Zirtawpni) atanga khelh tan a ni ang.

Mizoram Foootball Association-in a ruahman lawk ang chuan MPL Playoff hi July chawlhkar thumnaa khelh tan tur a ni a; nimahsela playoff khel tur team an thathnem tak deuh avangin I Day Football nen innang buai lo turin ni hnih khatin sawn hma hret a ni ta a ni.
Playoff khel tur team-te hming leh an player list kimchang hi engkim tihfel hunah chiang zawkin kan la puang chhuak leh ang.

MPL Playoff-ah hian team tel tur awm zawng zawngte an inkhel kual chhuak vek ang a, a sang palite hi MPL-ah an khel thei dawn a ni.

Independence Day Football
Independence Day Celebration Invitation Football Tournament 2012 chu MFA chuan ropui taka buatsaih leh kan tum a, July 30 atanga khelh tan tur a ni ang. He I Day Football-ah hian Mizoram Premier League khel tur team pariatte leh state pawn atanga team tha pahnihte an khel ang.
Mizoram pawn atang hian I League team pahnih tel thei tura beisei an ni a, tunah hian I League team pakhat chuan an tel theih tur an tichiang tawh a, indawrna a la kal mek avangin team pahnih an chian hunah kimchang zawkin kan la inhriattir leh dawn a ni.

MFA chuan Mizo mipuite inkhel en turin a sawm a, Mizoram chhungah ngei football hmuhnawm leh nung tak a awm theihna turin club leh player-te’n theihtawp an chhuah dawn a, mahni ram chhunga inkhel en peih tak football fans thahnem tak hi Mizoram chhungah hian an awm ngei tih MFA chuan a hria a, heng inkhel lo thleng mai turah hian Mizo mipui zawng zawng inkhel en turin kan sawm a ni.

Published by Information and Publicity Sub Committee, Mizoram Foootball Association

10 thoughts on “MFA NEWS : July 13-ah MPL Playoff & July 30-ah I Day Football Tournament

  1. Hei tluka thu lawmawm a awm dawn chuang em ni aw .. Hmasawnna dik tak a ni.. MPL Playoff khel tur te duhsakna ka hlan e. NI 12 ah rawn thleng dawn a, en hman chiah dawne.. nuam dawn hle mai 🙂

  2. ZONET kher an thawhpui hi lawmawm thlawt. . Thingtlang atang pawn LIVE in kan en thei dawn a.
    An prime channel ah an pek chuan

  3. Duhkhawp la ni lo mahse, MFA hmasawnna leh an thahnem ngaihna kan hmu hi chu a va lawmawm em.. Mizoram Football-in bungthar a kai tur hi a lawmawmin, hmalatute an fakawm thlawt a ni.

  4. Chakawm tawh tak hi a ni ringawt mai. Ram pawn lam atangte hian en theih dan kawng awm sela aw…

  5. A sawi dan hmangah hian club tel tur an awm nual hmel a. A lawmawm e. Playoff pawh a hmuhnawm viau turah ngai ang. Inkhel en a chakawm tawh hle mai.

Leave a Reply

Or

MFA NEWS : July 13-ah MPL Playoff & July 30-ah I Day Football Tournament

Mizoram Premier League-a khel thei tur zawnna, MPL Playoff chu July 13, 2012 atanga khelh tan a ni dawn a; July 30, 2012 atangin Independence Day Celebration Invitation Football Tournament 2012 khelh tan a ni bawk ang.

MPL-a khel thei tur team pali – Dinthar FC, FC Kulikawn, Luangmual FC leh Mizoram Police bak team pali dang tan MPL-ah hmun ruak a la awm a, July 13 (Zirtawpni) atanga khelh tan a ni ang.

Mizoram Foootball Association-in a ruahman lawk ang chuan MPL Playoff hi July chawlhkar thumnaa khelh tan tur a ni a; nimahsela playoff khel tur team an thathnem tak deuh avangin I Day Football nen innang buai lo turin ni hnih khatin sawn hma hret a ni ta a ni.

Playoff khel tur team-te hming leh an player list kimchang hi engkim tihfel hunah chiang zawkin kan la puang chhuak leh ang.

MPL Playoff-ah hian team tel tur awm zawng zawngte an inkhel kual chhuak vek ang a, a sang palite hi MPL-ah an khel thei dawn a ni.

Independence Day Football

Independence Day Celebration Invitation Football Tournament 2012 chu MFA chuan ropui taka buatsaih leh kan tum a, July 30 atanga khelh tan tur a ni ang. He I Day Football-ah hian Mizoram Premier League khel tur team pariatte leh state pawn atanga team tha pahnihte an khel ang.

Mizoram pawn atang hian I League team pahnih tel thei tura beisei an ni a, tunah hian I League team pakhat chuan an tel theih tur an tichiang tawh a, indawrna a la kal mek avangin team pahnih an chian hunah kimchang zawkin kan la inhriattir leh dawn a ni.

MFA chuan Mizo mipuite inkhel en turin a sawm a, Mizoram chhungah ngei football hmuhnawm leh nung tak a awm theihna turin club leh player-te’n theihtawp an chhuah dawn a, mahni ram chhunga inkhel en peih tak football fans thahnem tak hi Mizoram chhungah hian an awm ngei tih MFA chuan a hria a, heng inkhel lo thleng mai turah hian Mizo mipui zawng zawng inkhel en turin kan sawm a ni.

Published by Information and Publicity Sub Committee, Mizoram Foootball Association

Leave a Reply

Or