Mizoram Premier League Playoff chu khelh tan a ni ta a. A ni khatnaah mipui pungkhawm pawh an chhe lova, a ni hnihnaah phei chuan mipui pungkhawm a that lehzual a rinawm. A chhan chu Aizawl FC leh Chanmari FC ten an khelh dawn vang a ni. Aizawl FC hian club ang chuan tantu an nei tha a, Chanmari FC erawh Red Ribbon a Chanmari LC Team tantu an tam dan atang khan a that a rinawm bawk. Chutihrualin tun playoff a south lam atanga team awmchhun College Veng FC hian South lam atangin tantu an neih theih a rinawm a. Theiriat lam pawh Lunglei leh a chhehvel khawchhuak emaw Aizawl emaw a cheng apiangin an tan dawn avangin tantu an neih ngei a rinawm bawk.
1:00 PM : Aizawl FC Vs College Veng FCAizawl FC hi I-League 2nd Division Final Round khel thei team an ni a. Mahse Mizoram-ah erawh result han chhuan em em tur an nei lova. Season hnuhung berah khan Zone Footbal khelin Inter Zone Championship final-ah RS Annexe an hneh lo thung. An hnehloh RS Annexe hian vawiin khan Chanmari West 1-0 a hnehin point thum an hmu tawh a ni.
College Veng erawh first division club ni reng thin an ni thung a. Playoff-a 3rd Bn MAP FC an hnehloh hnuin 2nd Division ah an tla a, result tha pawh an nei tawh meuhlo. Mahse 2nd Division season ending-ah final an lut a. Hei hian inrintawkna a pek ngei a rinawm.
Aizawl FC hi tun playoff bikah chuan players nei tha ber tih tur khawp a tha an ni a. Aizawl FC hian Mizoram keeper tha pahnih Isaac-a (Dinthar MFA League Champion puitu) leh MS-a (Chanmari Red Ribbon a Champion puitu an kawl a). Defender lamah pawh hming nei tak tak an awm nual a Thomas-a (2nd Division Season Ending a Best Player) te tan pawh first eleven chan harna hmun anih avangin an that dan tur a hriatthiam theih mai awm e. Attacking lamah pawh player tha tak Albert-a, Michael, Papuia te an kawl avangin dan chu an huphurhawm viau tura ngaih a ni.
College Veng lam hian players lakhawm lamah an muan deuh avang leh MFA lamin khawng taka dan an lekkawh avangin an players duh ang an registered hman lova. Hei hi an tawrh theih a rinawm a, chutirualin Captain Mamawia kaihruaina hnuaiah defence hi an thatna lai bera chhal ngam a ni a. Attacking lamah chuan Josh-a te hi an hmachhuan tur anih a rinawm.
Prediction
Aizawl FC 3-0 College Veng FC
3:00 PM : Theiriat FC Vs Chanmari FC
Chanmari FC hi season hmasa lamah Zone football an khel a, club angin hlawhtlinna chhuan tur an nei lova. Mahse veng angin Red Ribbon an Champion a, hei hian club pawh a chawi nung phah a. Season hmasa lama team satliah tak kha tunah chuan team tha ber zinga chhiar theih tur khawpin an awm tawh a ni. Theiriat FC erawh Lunglei atanga rawn kal ngam annih avangin an nep a rinawm lova. An coach Muankima hi India aiawh te pawha lo fechhuak ve tawh leh Mizoram Junior team Subroto a lo hruai ve tawh anih avangin a team enkawlte hian game discipline tha tak an khelh theih a rinawm.
Chanmari FC lamah hian player tha an kawl nual a, season liamta hmang tha tak Lawma (midfielder) te hi mipui hriat lutuk ni lo mahse Local football-ah chuan ani tluk an awm chuang lova. Dr T.Aoa Trophy leh Northeast Games a kan Champion theihna chhan kha a ni. Anni bakah hian player tha tak tak Rinchhana, Zomuanpuia, MS-a, Hlua, Chhinga (Player of the year Nominee) te an la kawl cheu avangin an tha tih chu a chiang a. An qualify ngei pawh a rinawm, mahse solid point an hmu angem tih hi zawhna awm thei chu a ni. Theiriat erawh team anga an that a rinawm a, players rawn lar thar pawn an awm ngei a rinawm. Chumai bakah Theiriat hian en mai chuan that zawkna an nei a, chu chu Coach-ah a ni. Naktuk hian result mak tak thlengin thleng thei turah ngai ang.
Prediction
Theiriat FC 1-1 Chanmari FC
cialis daily cost
cialis 20
buy cialis online
cialis for sale
generic cialis canada
cialis savings card
Cialis medication
Buy generic cialis
AFC chu an va chak pup pup ve malee..hetiangte chu a ni em em lo asin…haha
Live commentry te awm thei se a va tha dawn em!!@zara 😀
RS Annexe chak chu ka lawmpui hle mai.tanrualna leh tumruhnain a champ theih a ni a.inkhel en ve phalo mah ila.zo footy hmangin cc lo thlir zel ta’ng e.
Chanmari F.C chu Goal thun tlem tir in va tum ve 🙂
Prediction :
Chanmari F.C 3-0 Theiriat F.C 🙂
AFC4 – 1 college veng
chanmari 3-0 Theiriat
an 1st game tr ania beisei ang cuan game 1 na hicu khlh hi ahar ve trah ania….
ka en chak hle mai… mahse, Play -off chu ka la inkhek.!!.hahakk
Heti hian 🙂
AFC 4 – 0 College veng
Chanmari 1 – 0 Theiriat
College Veng chu an va ṭhat loh hmel bik ve. Chak daih se ka ti hle mai.
AFC leh Chanmari an chak ka ring;tawng pachhiat a awm ka ring lo..MAHSE football chu GAME a nia..hehehhee
Chan – Theiriat an indraw ka ring lo ve tlatzzz Chanmari midfielder ka hriat chin chin atrangin an thra don riau… goal thunte chu ball thra hmuh cuan har toh hek loooo 🙂 Ka mu don
@Steven
Score nen mawle ? 🙂
Match hmasa zawkah khi chuan ban phak zuan pha lo team Aizawl FC hi an chak ka ring. gol thun zat tur lam chu ka ring thiam chiah lo.
Match hnihna erawh a hmuhnawm khawp ang. Chanmari FC hian an zuam sual hlauh thei. Theiriat FC hi an chhe miah lo ang. Chuvangin inkhel hi a hmuhnawm lo thei lo. An indraw ka ring eee……
@Ronaldawnga
Predict sup sup ang u. I predict khi ka lo hre kar e. 🙂
Point thum hmuh a pawimawh… Kanan FC leh RS Annexe in point thum an hmu der tawh si a. Aizawl leh Chanmari hian point hum an hmulo anih chuan an talbuai ve thei tho mai…
Tournament, a bikin league ngat phei hi chu game hmasa ber hi inkhelh har ber an tih ṭhin kha a niah, engnge an an dawn ni.
Aizawl FC leh Chanmari FC hi an intum hunah a hmuhnawm ngawt ang.
AFC 3-1 College Veng
Chanmari 3-0 Theiriat zok tur alom!!!!
I-League 2nd Division Final Round khel thei team, mahse Mizorama 3rd Division-ah pawh champion zo lo, mahni zuan phak ban pha lo team AFC chu an inkhel dawn a ni maw… Beisei an pha lo leh bik ngei ang le.,…hahah
A va tha em, naktuk chu inkhel a hmuhnawm dawn e. Tan zawngte an inkhel dawn bawk a. Beisei an pha lo ang tih erawh a hlauhawm. Vawiin inkhel beisei aiin a ni hmasa ber a nih vang nge a hmuhnawm lutuk lo tlat.