MPL Playoff Round 2 – Match No. 5 : Referee tanpuina in Kanan FC in Theiriat FC an draw!

Theiriat Keeper Fela hi a inhliam avangin thlak nghal a ni.

Kanan FC 4-4 Theiriat FC
(Vanlalhlua 25″ (25 sec), (90+1)’; Lalsangbera 9′, 14′)-(Johny V.L. Muanpuia 19′, 70′; Hmangaihtluanga 22′; C. Lalramenga 54′)

Kanan FC chuan Theiriat FC chu hun pek belhah Vanlalhlua goal hmangin 4-4 in draw a ni. He inkhel-ah hian Kanan FC tan Vanlalhlua leh Lalsangbera ten goal hnih ve ve an khung a. Theiriat FC tan Johny an goal hnih khungin, Hmangaihtluanga leh C. Lalramenga ten goal khat ve ve an khung bawk.

Inkhelh hma chanchin!
Theiriat FC in 4-2-3-1 formation tho an rawn hmang a, mahse an playerte an thlak thung a. Left winger Ruatkima la chhuakin a aiah Johny an rawn dah lut a. Johny hi striker a dahin, Midfield laia awm Kote-a left lamah a awm thung a, match hmasa lama striker Maenga midfield-ah tawlh hnungin Kote-a aiah a awm thung.

Kanan FC lamin team an thlak nual a, defence lamah Malsawma (fitlo) aiah Samuel-a an luhtir a. Samuela-a hi right back-ah awmin a hmaa right back a awm Mazuala left back lamah a awm thung a. Left Back a awm Ruatsanga a lai lamah a awm thung a, Ruatsanga bik hi chu match hnuhung-ah pawh Malsawma an thlak hnuin a laiah hian a lawm awm tawh a ni. Attacking lamah Kawngtea a aiah Nunpuia an rawn dah lut a. Hemi anih avang hian striker a awm Vanlalhlua chu centre midfield-ah a rawn awm a. Rawn lut thar Nunpuia left winger-ah awmin striker Sangbera hnungah Puia a awm thung a ni.

First-ah goal a sur!
Inkhel tan atanga second 25 lekah Vanlalhlua’n Kanan tan goal a khung nghal a, Theiriat FC lam insiamthat hmain Sangbera’n goal hnih dang a khung leh bawk a. Minute 14 lek chhungin Kanan FC in goal thum an khung a, Theiriat tan beisei a awm tawh lo ni berin a lang. Mahse Theiriat FC an la beidawng lova, striker naupang Johny an Coach ten an rin ngam ang ngeiin a rintlak tih lantir nan minute 19 naah goal a khung a, minute 22 naah Hmangaihtluanga’n goal khung leh bawk avangin inkhel chu vawi khat leh khatah tih nungin a awm a. An inawr tawn zak zak a, goal erawh a awm lo.

Second Half-ah pawh goal ala sur bang lo!
Theiriat FC in chak ngei tumin an rawn nawr nghal a, Kanan FC lamin dan ngei tumin substitute pahnih an rawn siam thung a (Defender Ruatsanga an thlak chhan hi chu inhliam vang a ni thei). Second half tan atang Minute 9 lekah Ramenga’n mawi takin Theiriat tan a thun a. Hemi hnu pawh hian nawr chhunzawm zelin minute 70 naah Johny hmagin Theiriat in hma an hruai ta a. Kanan FC lamin point hmuhloh awmzia a awmlo tih hriain an nawr let a, chance pawh an hmu nual goal erawh an khung thei lo. Mahse hun pek belhah Vanlalhlua goal hmangin an draw a, he goal hian sawisel erawh a hlawh hle. Goal dang erawh an luh belh lo.

Referee thuthlukna a dik tawk lo em?
Goal hi referee tihsual awm chhun a ni lova, hemi hma hian referee hian tihsual a lo nei tawh a. Chu chu Kanan FC player Puia red card a pe lo kha a ni. Puia hian yellow card a hmuh tawh hnuah ball control a tumna lamah a kutin ball a khawih lui a. Yellow card hmu leh tur anih reng laiin Referee in double yellow card (Red Card) anih dawn avangin card a phawrh lo a. He hand ball hi a hmuh ngei bawk avangin referee hian a tihtur a ti lovah a ngaih theih a ni.

Theiriat lamin Red Card a pe lo kha chu an la tuar thiam a, mahse hun pek belhah an lama goal a luh tak avangin an tuar thiam theilo. Theiriat keeper Fela chu Kanan winger Nunpuia nena an incharge-na lamah a inhliam a, Kanan Fc lam hian an la attack thova. Ball chuan box pawn a chhuah leh hnuah pawh referee hian a la ham tawp lova. Kanan FC lam hian an la nawr chhunzawm zel a, Theiriat defender ten keeper tel lovin hun reilote chhung dang thei mahse ball an clear theih tlat loh avangin Kanan FC hian goal an khung ta a ni. Referee hi mihring anih angin a tihsual thei ngei mai, mahse hei hi chu tihsual vang ni lovin thiamloh vangah a ngaih theih a. MFA lam pawn action an lak ngei a ngaih hmel bawk.

Theiriat tan tawrh thiam a har ngei ang mahse …
Referee-in a tisual a, Theiriat FC an chak lova. Eng ang pawhin Referee hi hrem mahse Theiriat FC hi an chak phah tawh dawn chuang lo avangin Theriat tan chuan tawrh thiam a har ngei ang. Theiriat FC hi he decision-ah kher hi chuan an lungawilo anih pawhin hemi bikah kher hi chuan inkhel entu tam zawk pawn an lungawiloh pui ngei ang. Mahse an khel chhunzawm duhloh anih chuan dan angin hremna an lek kawh thei thung. Tunah hian Theiriat FC dinhmun hi a la chhe lova, mahse an inkhelh leh turah chuan chak an mamawh tawh ngei ang le.
football formations
Kanan FC (4-4-1-1): Blue ; Theiriat FC (4-2-3-1) : White

Theiriat FC 4 – 4 Kanan FC

MATCH STATISTICS

 NA

Ball Possession (%)

 NA
 10

Shots

 17
 5

Shots on Target

 7
 5

Shots off Target

 10
 8

Corner Kicks

 7
 7

Offsides

 5
 15

Fouls

 15
 1

Yellow Cards

 1
 0

Red Cards

 0

39 thoughts on “MPL Playoff Round 2 – Match No. 5 : Referee tanpuina in Kanan FC in Theiriat FC an draw!

  1. Pingback: cialis 5 mg

  2. Pingback: cialis from india

  3. Pingback: Cialis buy

  4. Mawia_Pa

    Hmingthana sawi khi a dik fu mai, Thlirna tlang hrang hrang atanga han thlirin “Tanpuina” tih ai-ah “Tihsual” tih chu hmang se a mawi zawk dawn a nih hi.

  5. Hmingthana

    Referee tihsual tiin post se chu ka hrethiam , mahse referee tanpuina tia sawi khian media ten bias an neih zia chu a la chiang reng. Hetianga in post hian Referee leh Kanan mipuite rilru a tihnat theih bakah MFA thleng pawhin mualphona a ni asin. He website hi theiriat khua chauhin an chhiar dawn lo va, Mizo tawng thiam tawh phawt tana chhiar theih tura siam a ni a, a huapzo thei ang bera thil post hi a finthlak ngai e ka rawn ti mai a ni.

  6. hlups hauhnar

    Side lam nei pawn ka lo hmu hleinem…..side lam nei lova ka chhiar vang te pawh aniange!!!!:D

  7. Hmingthana

    Media in ni a, side nei rana thuziah hi official taka in post fo mai hi in mawl ka ti ngawih ngawih. Hetiang hian Vanglaini-ah an ziah ka ring lo. A thupuiah te hial in han hmang hi Journalism Course chhete tal zir ve ula ka ti khawp mai.

  8. Mawia_Pa

    Keipawh engemaw hleka Aizawl pawn min tanlo tih leh thin hi chu ka pawm vak lo, dik tak chuan Referee te hian tan zawng chu an nei ve em em ang, mahse an judgmeny-ah an lantir ngam ka ring lo reng reng. An duh reng vang ni lovin, an thiam tawk loh vang leh inrintawkna an hloh thin vangin an tisual thin a ni zawk. Aizawl khaw chhung ve ve inkhelh-ah pawh hian referee tihsual vanga vanduai an awm ve fo tih hriat tur, Aizawl leh khawdang inkhelh tum chauh ni lovin; chutiang bawkin khaw dangah pawh hetiang hi a thleng ve fo bawk ang.

  9. Lalte Langel

    @Red Devil an inkhel ka en miau lo a, tih tak emah te chuan a thupui atrang ringawt pawh in ka chhiar chhian tur zia ring mai rawh. Chuan World Class refree ho pawh in vawi 3 aia tam pawh an ti sual thrin tho alawm, Goal lo pui goal a pawm te, tluder hnawhchhuah lova penalty pek daih a, tluder ve lo, tluder a puh a CARD pek daih te….a tam mai, he lai a refree in card a pek loh kha card pek trul a ti lo a tin ni mai…. EPL ah pawh refree in card pek trul a ti lo a tin a ni ang kan tih thrin ang kha ni mai, chuan tlu nazawng hi khawihmunah pawh an tluk avang khan refree in a ham tawp nghal ringawt ngai lo, a tlu lo lam ball chan lai te a nih phei chuan ADVANTAGE te an pe ve thrin.

  10. Ronaldawnga

    @ Puia chawngthu hi a trong hlok tun2 khop mai, MPL idea neitu ni tur bera ka rin te a mi mal takin a bei a, futbol hi ral thlir leh a taka luh cilh a dang, futbol team 1 enkol ve se, ama sum, a petrol etc a sen hunah a harh cuak mai ag ka ring, Zofooty hian an tithra ka ti khop mai

  11. Red Devils

    @Lalte Langel, refree khian vawi hnih a ti sual a sin. Red Card ngei ngei tur eng card mah a pe lo a, tin keeper inhliam hnu khian goal ah vawi 3 an shot. Thu post khi han chhiar chiang ta che. Chubakah khitiang khi chu tihsual palh a ni pawh ka ring nek lo e a…

  12. Red Devils

    @Lalte Langel, refree khian vawi hnih a ti sual a sin. Red Card ngei ngei tur eng card a\mah a pe lo a, tin keeper inhliam hnu khian goal ah vawi 3 an shot. Thu post khi han chhiar chiang ta che. Chubakah khitiang khi chu tiohsual palh a ni pawh ka ring nek lo e a…

  13. Ronaldawnga

    Football tuipui ve si, thlir zim ltk ho hi chu ‘fanatics’ lam aiin rilru zim a kok – fans tih hi ‘fanatics’ atranga chhuak a nia, a fan (‘S’ tel toh lo o!!) dik tak cuan mistake a om thei tih an pom tur ni. Lunglei emaw, Izol lo nih vanga Izol en hran hru mai leh intran bik anga ngaih hi chu an khuaah mikhual an tran loh thrin vang tihna ni my, Izol a inkhel en tam pol k ni ag k ring, Izol pon nih vanga hmuhsit, tran loh etc a om ngai lo, mistake is mistake – rilru zim ltk hi chu ka haw tlatssszzz kei misual rilru zau ru riau hyan 🙂

  14. Ronaldawnga

    MFA inkhel ka en ve tawhah red Ribbon etc ah hian official in Aizawl pawn leh pawn lo an thliar lo tih KA HRE CHIANG KHOPS MAI. mahse Thigntlang chak lo hian, ‘Izol an tran’ an ti ve ziah, hei hi chu chak loh thu mai2. Theiriat kha Lunglei an ni emaw, Lungdai emaw, Lunglawn poh ni se an tran loh vang ni lovang REFEREE tih sual nih kha – referee is an individual – referee hi MFA ni lo, Lunglei an tran lo ngai lo. Lunglei angin Izolah referee in trran bik an nei ngai lo….. an tisual tih chu a hmuna hmutu ka ni a, Theiriat ka torhpui rualin “lunglei kn nih vang ek e bal e’ tih hi a thring ltk……..

  15. ruatsaka

    Aizawl khaw pawn an nih avangin referee-te hian an tran lo nghal ngawt lo ang tih i hre thar teh ang u. Tin, tihsual hlau ber tur chu referee-te hi an ni tih hriat a pawimawh khawp mai. WC leh Euro ah pawh an tisual alawm. Tin, MFA dem nghal vak hi a la hma mah mah lo maw? Local football tinung tura an thawhrimna leh insenna te hi hriatpui ve ila.
    Local football a nung thar leh a, a nuam.. vawiinah FC RS Annexe tan turin Lammualah ka va kal ang e………… 🙂

  16. Lalte Langel

    He post chu leh….Keini KANAN Veng te tan a ngaihnawm lem lo leh pek khawp mai. Mzr a haw lai ni hlauh se ka en ve tur. A post tu thupui hman “Refree tranpuinain Kanan FC in Theiriat FC an Draw!” a na khawp mai. Refree tranpuina em em chu a ni chiah lovin ka hria in lama miten min hrilh dan chuan. Kanan FC ka CLUB hlui…hehehe

  17. xoxo

    PATHIAN remruat ah hian lungawi tlan angai ani mai……soi2 khan sawt navak anei thui lutk loang….thiante u…

  18. Mark

    theiriat F.C ho chu haw mai rawh u. in khelh leh hunah pawh hnehsawh tak a, in hneh a nih si loh chuan in chak chuang lo ang.MPL ve si nep lu tuk, aizawl chauh hi mizoram a maw an tia, hmasawn na awm leh chuang lo ang.

  19. Puia chawngthu

    Regional racism ani mai lawmni? hetiang anih dawn chuan tunge aizawl pawn rawn tel ngam tawh ang…ka chunga rawn commment tu KOBE khian rui chungin a en ami thlalak ah pawh in rawn tatrlang renga a goal hnu ah keeper a tluk loh khi mawle… MFA hian hma an la ngam dawn em? Vanglaini Sport writer tete-a te llah MFA ah a fawng vuantu an hna nih meuh chuan engmah an sawisel ngam tawhlo..dawihdu chungin an ziak tawh a….nangni tal hi chuan hlauh neilo in in hmuhdan kha huaitakin ziak zel rawh u.. Miin Nuaih 4 meuh deposite in he tournament hi an rawn khel a, an sum deposite bakah players te leina leh an hlawh bakah an hmanrua zawng zawng leh an ei leh in tur nena an sen chu nuiah tam tak ani..an in buatsaihna leh an sumsen tal hi chu zahsak tlak ah ka ngai.. a tir atanga hetiang anih chuan….kum lo kalzel tur ah kan ngia ho tial tial mai lo ang maw…MPL hi a chawrno theihloh phah ang tih ka van hlau tak em!! Zo-footy kalzel rawh u..Huaisenna nei ula, thudik ah ding ngam ua.. diko erawh sawisel ngam bawk ang che u

  20. Steven

    Rifirit hamtu chu an chawlh tir ve ta vang vang an tih kha. Ham thiam lo em atin ni.

    Ka lo sawi belh ve. MFA hian play-off khel turin leh MPL khel turin club te criteria a zam vak vak a, club te insenna tur lam ngaihtuahin an phe buai chak thei hle. chutiang anih laiin an mahni lam hian inpuahchahna tha an nei ngai lo emo ni te a tih theih. inkhelh lai la la ten field sirah hnim te an rawn sam a, bench lam lah hi ho lam taka thutna siam a ni bok.tun tum hian rifiri an buatsaih that loh a lo lang a ni hial ang em.. nge match fixing te a lo awm zawk?

  21. Red Devils

    Lunglei hming in ti mawi tho tho e. Go Go Thei8 F.C…….. Keeper inhliam te chu ngaihpawimawh tur a ni a sin mawle aw…..

  22. ruatsaka

    @KOBE :
    a hmuna entu sawi ka hriat zawng zawngah box pawna ball a awm laiin GK a tlu tawh an ti vek. i hmu sual a ni zawk lo maw

  23. KOBE

    hahaha kanan cu inlo van tan lo ve ooo in post ananh cn…..ka nuih axa jk……hahahaaaa……kanan fans cu kanilo mhse atawp khacu kan hmu ciang mai2 khpah keeper khN ath tur dik tk tiin aoal vang khanavantge la anh khaaa kahmu goal hnung deu h ciahah ka thu…..van der sar pn agoal th miau tre cuan advntge lave ciang viau ang tluk der bak thtr dang awm hleinemmm enciag ve ta ce u…. kanan ho in thlahdul vang mai2 a rn tigoal ve an nh khaaaaa……..

  24. Mawia_Pa

    Referee pawh kha a tirah chuan Card pek tum ngei a tlan phei a ang ka ti a, an va inhnimhnaih deuh hnu-ah khan a hrethiam ta ni ah ka ngai

  25. Ronaldawnga

    referee hlawh chungchsngah hi chuan MFA referee seminar emawnia an soi ka lo chhiar ve danah khan “Northeast-ah Mizoramah referee hlawh a sang ber… manipur, meghalaya, Assam ai pawhin a sang, an tih kha ka hria a, Nagaland in qualified referee an nei lo hrim2 an tihte kha mak ve mai2, eng tin tak inkhel ham ve ag mo ka lo ti rilru thruai2

  26. Mawia_Pa

    Referee in a handball vangin a ham ngei a, mahse players in offside phar vanga khawih a nih thu Referee hnen-ah khan zaizirin a hrilh a ang ka ti a, kha vang khan card a pe ta lo niin ka hria

  27. fakhlena chhangte

    Good post macha. .i ziak lai khawp mai, hei hi sport writr diktak tih tur ni in ka hria. Referee khan offside nilovin hand ball zawk kha a ham avangin 2nd yelow card tur ani. Referee te hlawh hi sang deuh thei se fair deuh a ham thiam anlo chhuak teuh mai ang..’for the good of the game’ . Btw keeper a tluk reng lai a an lo cross chhoh kha chuan Di Canio te pawh min hriat chhuah tir.

  28. Mawia_Pa

    Puia handball kha ka lo hmuh dan chuan Linesmen in a offside a phar a hmuh tawh hnu ah khatiang kha a ti ta niin ka hria, Linesmen khan a offside a phar va a, Puia pawhin ball a khawih hmain kha kha a han hmu ngeiin ka hria.

  29. maduha ralte

    a va tenwm ve a hamtu cu.. Mitin n tan jwg an nei thei vk alm.. Th lan khr a gai hleinem.. Sum leh pai tm tk sega hmaswn tm tam tk rlru a t na nh cu

  30. Ronaldawnga

    kha goal kha referee in a pom toh chuan MFA e, AIFF e, FIFA e a soi theih loh, a goal a ni toh mai………. MFA in referee kha ham toh lo turin hrem zui se, chu bak tih theih a ni toh lo, football ah cuan vanduai chang a om ve nia, Ukraine goal goal lote kha….. Theiriat kha ball an thiam jek. Kanan an vanneih kal tluang ve ooooo first match ah own goal an chakpui bok

  31. hlups hauhnar

    Engpawhnise(ka en ve lo bawk a),thianpa Vanlalhlua goal 2 a khung a,ka lawmpui e!!Theiriat ho chu an come back pui tehreng nen ka ui-pui hle mai

  32. MIZO

    Tin, Puia Hand Ball lui a ben beng thla lui card a pe zui lo te kha. Referee kha en zui chi a ni.

  33. MIZO

    Vawiin Kanan Goal hnuhnung ber kha chu, anmahni veng a mi ngei ngei kan bula a mi te pawhin awm ang lo an ti khawp mai. Referee khan Minute khat zen zawn decision siamna hun a nei. Keeper tluk hnu-ah thlang lamah ball a chhuk a. A tluk ruala a ham lo a nih pawhin khatiangah tawh kha chuan ham awm. ball rawn chhoh leh hnu-ah pawh hamna hun a la ngah. Vawi thum shoot-naah a goal chauh leh nghal. MFA lam hian eng angin nge khatiang thutlukna dik lo kha an tih dawn le. Referee kha a inthlahdah ve hrim hrim nge? Pet goal tir a tum ve hrim hrim ni ang.

Leave a Reply

MPL Playoff Round 2 – Match No. 5 : Referee tanpuina in Kanan FC in Theiriat FC an draw!

Theiriat Keeper Fela hi a inhliam avangin thlak nghal a ni.

Kanan FC 4-4 Theiriat FC

(Vanlalhlua 25″ (25 sec), (90+1)’; Lalsangbera 9′, 14′)-(Johny V.L. Muanpuia 19′, 70′; Hmangaihtluanga 22′; C. Lalramenga 54′)

Kanan FC chuan Theiriat FC chu hun pek belhah Vanlalhlua goal hmangin 4-4 in draw a ni. He inkhel-ah hian Kanan FC tan Vanlalhlua leh Lalsangbera ten goal hnih ve ve an khung a. Theiriat FC tan Johny an goal hnih khungin, Hmangaihtluanga leh C. Lalramenga ten goal khat ve ve an khung bawk.

Inkhelh hma chanchin!

Theiriat FC in 4-2-3-1 formation tho an rawn hmang a, mahse an playerte an thlak thung a. Left winger Ruatkima la chhuakin a aiah Johny an rawn dah lut a. Johny hi striker a dahin, Midfield laia awm Kote-a left lamah a awm thung a, match hmasa lama striker Maenga midfield-ah tawlh hnungin Kote-a aiah a awm thung.

Kanan FC lamin team an thlak nual a, defence lamah Malsawma (fitlo) aiah Samuel-a an luhtir a. Samuela-a hi right back-ah awmin a hmaa right back a awm Mazuala left back lamah a awm thung a. Left Back a awm Ruatsanga a lai lamah a awm thung a, Ruatsanga bik hi chu match hnuhung-ah pawh Malsawma an thlak hnuin a laiah hian a lawm awm tawh a ni. Attacking lamah Kawngtea a aiah Nunpuia an rawn dah lut a. Hemi anih avang hian striker a awm Vanlalhlua chu centre midfield-ah a rawn awm a. Rawn lut thar Nunpuia left winger-ah awmin striker Sangbera hnungah Puia a awm thung a ni.

First-ah goal a sur!

Inkhel tan atanga second 25 lekah Vanlalhlua’n Kanan tan goal a khung nghal a, Theiriat FC lam insiamthat hmain Sangbera’n goal hnih dang a khung leh bawk a. Minute 14 lek chhungin Kanan FC in goal thum an khung a, Theiriat tan beisei a awm tawh lo ni berin a lang. Mahse Theiriat FC an la beidawng lova, striker naupang Johny an Coach ten an rin ngam ang ngeiin a rintlak tih lantir nan minute 19 naah goal a khung a, minute 22 naah Hmangaihtluanga’n goal khung leh bawk avangin inkhel chu vawi khat leh khatah tih nungin a awm a. An inawr tawn zak zak a, goal erawh a awm lo.

Second Half-ah pawh goal ala sur bang lo!

Theiriat FC in chak ngei tumin an rawn nawr nghal a, Kanan FC lamin dan ngei tumin substitute pahnih an rawn siam thung a (Defender Ruatsanga an thlak chhan hi chu inhliam vang a ni thei). Second half tan atang Minute 9 lekah Ramenga’n mawi takin Theiriat tan a thun a. Hemi hnu pawh hian nawr chhunzawm zelin minute 70 naah Johny hmagin Theiriat in hma an hruai ta a. Kanan FC lamin point hmuhloh awmzia a awmlo tih hriain an nawr let a, chance pawh an hmu nual goal erawh an khung thei lo. Mahse hun pek belhah Vanlalhlua goal hmangin an draw a, he goal hian sawisel erawh a hlawh hle. Goal dang erawh an luh belh lo.

Referee thuthlukna a dik tawk lo em?

Goal hi referee tihsual awm chhun a ni lova, hemi hma hian referee hian tihsual a lo nei tawh a. Chu chu Kanan FC player Puia red card a pe lo kha a ni. Puia hian yellow card a hmuh tawh hnuah ball control a tumna lamah a kutin ball a khawih lui a. Yellow card hmu leh tur anih reng laiin Referee in double yellow card (Red Card) anih dawn avangin card a phawrh lo a. He hand ball hi a hmuh ngei bawk avangin referee hian a tihtur a ti lovah a ngaih theih a ni.

Theiriat lamin Red Card a pe lo kha chu an la tuar thiam a, mahse hun pek belhah an lama goal a luh tak avangin an tuar thiam theilo. Theiriat keeper Fela chu Kanan winger Nunpuia nena an incharge-na lamah a inhliam a, Kanan Fc lam hian an la attack thova. Ball chuan box pawn a chhuah leh hnuah pawh referee hian a la ham tawp lova. Kanan FC lam hian an la nawr chhunzawm zel a, Theiriat defender ten keeper tel lovin hun reilote chhung dang thei mahse ball an clear theih tlat loh avangin Kanan FC hian goal an khung ta a ni. Referee hi mihring anih angin a tihsual thei ngei mai, mahse hei hi chu tihsual vang ni lovin thiamloh vangah a ngaih theih a. MFA lam pawn action an lak ngei a ngaih hmel bawk.

Theiriat tan tawrh thiam a har ngei ang mahse …

Referee-in a tisual a, Theiriat FC an chak lova. Eng ang pawhin Referee hi hrem mahse Theiriat FC hi an chak phah tawh dawn chuang lo avangin Theriat tan chuan tawrh thiam a har ngei ang. Theiriat FC hi he decision-ah kher hi chuan an lungawilo anih pawhin hemi bikah kher hi chuan inkhel entu tam zawk pawn an lungawiloh pui ngei ang. Mahse an khel chhunzawm duhloh anih chuan dan angin hremna an lek kawh thei thung. Tunah hian Theiriat FC dinhmun hi a la chhe lova, mahse an inkhelh leh turah chuan chak an mamawh tawh ngei ang le.

football formations

Kanan FC (4-4-1-1): Blue ; Theiriat FC (4-2-3-1) : White

Theiriat FC 4 – 4 Kanan FC

MATCH STATISTICS

 NA

Ball Possession (%)

 NA
 10

Shots

 17
 5

Shots on Target

 7
 5

Shots off Target

 10
 8

Corner Kicks

 7
 7

Offsides

 5
 15

Fouls

 15
 1

Yellow Cards

 1
 0

Red Cards

 0

Leave a Reply