Mizoram Premier League Playoff chu khelh chho mek zel a ni a, tunah hian Round 4 khelh zawh tawh niin match 16 khelh tawh a ni. Heng match 16-ah hian goal 55 a lut tawh a ni.

Goal 55 zinga goal thum chu Own Goal (mahni lama ti goal) a ni a. Own Goal tiam lovin Player 32-in goal an thun tawh a, an thun zawng zawng belhkhawm hi goal 52 a ni.

Kanan FC chuan goal thun tam berin goal 9 an thun tawh a, goal khat erawh hi chu own goal a ni. Kanan FC hnuai chiahah hian club pathum an awm a, Aizawl FC, Chanmari FC leh Chanmari West ten Goal 8 theuh an thun tawh a, Chanmari FC leh Chanmari West Goal thunah hian own goal pakhat ve ve a awm. Reitlang FC in goal 7 an thun tawh a, RS Annexe leh Theiriat FC ten goal 6 an thun tawh bawk. Chak la neilo College Vengin goal 3 an thun ve tawh bawk.

Chanmari FC Striker Lalhlimpuia (Tat-a), Chanmari West Striker F. Lalnunhlua (Valtea) leh Kanan FC Striker Lalsangbera ten goal li (4) theuh an thun tawh a. An hnuaiah hian Aizawl FC Winger H. Lalnunzira (Zirtea) a awm ve bawk.

MPL Playoff Top Scorer Table
[table id=157 /]