Arsenal Ah Nuri Sahin?

Posted on July 27, 2012July 27, 2012 by Mike H Tlau

2 min read

Arsenal chuan season thar tur atana inpuahchahna China lamah an nei mek a. Chanchinbumite hnena Arsenal manager Arsene Wenger in Jack Wilshere leh Abou Diaby te an dam that chuan midfield lam an tha tawk nia a sawi hnulawkin Daily Mail chanchinbu chuan Real Madrid midfielder Nuri Sahin chu season khat chhung a club atangin Arsenal in an hawh dawn tih a ziak.

Real Madrid in Tottenham Hotspur midfielder Luka Modric lak a tum kawngah Real Madrid hian Nuri Sahin hi pek tel an hniallo nia sawi a awm laiin Arsenal hian an hmelma Tottenham Hotspur hi an chet khalh niin ziah a ni a. Daily Mail hian heading ah ‘Arsenal 1-0 Spurs’ tiin an ziak a. Hei hi an ziah nachhan nia lang chu Arsenal leh Spurs hian Malaga midfielder Santi Cazorla pawh an inchuh vang niin a lang.

Mirror Football in a ziah dan ve thungah chuan Real Madrid leg Premier League club lian pakhat te an inbiakna hi a fel theih dawn avangin Real Madrid in Portugal an zinna turah an hruai ve dawnlo niin an ziak. He club lian tih hi Arsenal, Manchester United emaw Tottenham Hotspur niin an ring a. London hmar veng lam hian an chang dawn ngei niin a lang ta.

Kum 23 mi Germany a piang Turkey mi Nuri Sahin hi Bundesliga ah a hlawhtlin hnuin La Liga lamah duhangin a la hlawhtlinglo a. Real Madrid tan season kalta khan a inhliam nen vawi li chiah a inlan thei a. Season tharah hian intat hriam turin Arsenal ah season hmasa lama Yossi Benayoun (Chelsea atanga hawh) ang deuhin London ah a hun tamzawk a hmang dawn niin a lang ta hle.