Arsenal manager Arsene Wenger chuan football field chhunga dive chiang lutuk ho chu match 3 hrem ṭhin nise an tizui ngam lo ang a, dive chiang lutuk a tlem sawt a rin thu a sawi.
Tunhnaiah, Premier League game pawimawhah sawisel theih taka tlu lui/ tlu der/ tlu uar a awm ta nual a, Premier League-a hunrei tak lo awm tawh, manager ‘man’ ve tak Arsene Wenger a ṭawngchhuak ta nge nge a ni.
Wenger chuan, “Hetiang lam buaipui tur committee sâng (Superior committee of ethics) nei ila, anni hian player dive chiang lutuk hi chu inkhelh laia an hrem lo a nih pawhin inkhelh zawhah hremna lek thei se. Match 3 vel an hrem deuh hmak hmak chuan tumah an dive ngam tawh lo ang.
“Hetiang hremna hi awm thei dawn se chu kei chuan ka thlâwp nghal dawn a ni.
“Chak duha inkhel ṭheuh kan ni a, ṭan tak tak tawh chuan keimahni tih ‘out’ ngei pawh ‘kan throw tur a nih kha’ tia han au maite pawh thil awl tak a ni. Mahse penalty box chhunga dive kher kher hi chu inkhelh zawha hmuhchian theih chauh te a ni ṭhin a ni.” tiin, inkhelh laia referee in dive tih a hriat loh pawh inkhelh zawha lo endik leh ṭhintu awm se a tih thu a sawi.
Wenger chuan sawi chhunzawmin, “Foreign players te hian Premier League ah thil ṭha leh ṭha lo an rawn luhpui niin ka hria. England-ah hian thil ngaihsan deuh pahnih ka nei ṭhin a, chu chu game a rough a, forward te pawhin ‘pêt’ an tuar ngun bik a, mahse ho te te ah an tlu ve mai mai ngai lo.
“A pahnihna-ah chuan, England-ah chuan players ten referee an hual ve tuau tuau ngai lova, lehlam player yellow card hmuhtir tura referee nawr an ching lova, referee kha thutlukna an siamtir mai ṭhin a ni. Mahse tunah chuan hei pawh hi a bo tawh. Mi zawng zawngin ti lo mahse yellow card a phawrh beisei-a referee hual tuau tuau a tam tawh a, hetiang hi England ka luhtirhah a awm ngai lo.
“He thil (dive) hi foreign players te rawn luhpui a ni ngei a. Mahse English players pawhin an thiam chak khawp mai.” a ti deuh kher. Ashley Young hi English player a ni.
Foul ṭhenkhat, field chhunga match officials ten an hmuh loh vanga hrem loh, inkhelh zawha video en hnua hrem leh theihna dan hi a awm a, a sapṭawng chuan retrospective action an ti. Mahse hei hi chu ‘hmuh loh foul’ atân chauh a ni. Field chhungah player a dive a, referee in dive nia a hriat chuan yellow card a pe mai ṭhin a, mahse dive reng pawh a dive tih a hriat miau loh chuan hrem ngaihna a awm lova, a titlutu nia lang kha hrem a ni zawk ṭhin. Penalty box chhung a nih phei chuan penalty mai bakah, a titlutu nia lang, thil tisual miah si lo kha yellow card/red card pek an ni fo bawk.
Heng zawng zawngte avang hian, Arsene-a thusawi hi tihhlawhtlin theih nise ṭha tak tur chu a ni. Mahse a aia buaipui nasat zawk goal-line technology pawh hman a la ni hleithei lo a ni a, beisei chu a sâng lutuk lo.
‘Diving’ ti tlem tur hian FA in engtingnge hma la se hlâwk (effective) bera i rin le?
source: arsenal.com
cialis on line
cialis walmart
Buy discount viagra
viagra profesional
Nia, hrem hmak hmak rwh se, chuan Foreign players ho a dem dan khi chu an haw ve ngawt ang
Hei hi chu ka thlawP khawp mai. Hrem hmak hmak se, an tinawn ngam tawh lo nimai. Good post
hei chu ka thlawp e. Mahse, a buaithlak ve khawp ang.
Tun tum chu ava sawi fuh ve a tha kati khawp mai Dive chu ahuat awm thn kati tin English game ka luhtir a awm thn tuna awm talo atih tha kati hle
ashley young hi hrem ni se kan ti
Ka boss thu sawihi kei ka thlawp khawp mai… Ni zan match te kha young kha chu a dik lo deuh ni in ka hria…
Pua thuswi cu ka thlwp e,gol line technology buaina nen cuan adag deuh,apply ghal mai theih wm tk ani thuneituten an bengkhwn cuan