English Champion Manchester United chuan tun summer transfer lo awm tur ah hian an midfiled lam tih chak nan Benfica midfielder tha Nicolas Gaitan chu £20 million leh an player pahnih- Fabio da Silva leh Federico Macheda tel nen lei an tum in, Benfica nen hian inremna an ziak tawh niin The Telegraph chuan a report. He an in remna ah hian Fabio chu loan ang a kal tir in, Macheda erawh Benfica player man ah a bet tel ani. He kum 24 a upa Nicolas Gaitan hi tun season Champions League ah United leh Chelsea an tum tumin a khel tha em em a, Sir Alex Ferguson a mit a la hle ani. Benfica nen a contract an ziah na ah chuan club dang in lei an tum anih chuan £38 million lawih a chhuah tur a tih ni mahse, heti zat zat chu Manchester United hian a man a tan an sik chhuak dawn lo tih a chiang reng a, chuvang in £20m leh an player pahnih nen an in thleng dawn ta niin a lang. Hetia player pahnih lai a tel tak ah hian Benfica lam hian an hnar phal bik lo a, a chhan chu Gaitan-a khelh tawh thin na, Boca Junoirs lam a a transfer fee 20% lai pe tur a in remna an neih tawh vang ani. He Argentina leh Benfica midfielder hi Inter Milan leh tunlai club sum ngah, Paris St-Germain lam paw’n hmutai viau in, a tawp ah Manchester United lam in an chang dawn ta niin a lang.

Nicolas Gaitan hi a khelh thin na position chu attacking midfielder niin, left wing lam ah pawh a tlan thei a, United in a tunlai a a position ang palyer an mamawh lai tak a ni nen, tiang zat a an ngam player hi player chhe tak ani lo ang tih a rin theih. Tun season ah competition hrang hrang ah game 42 khel tawh in goal 4 leh assist vawi 17 lai a nei a ni.