Vawiin ni 16 April 2012 (Thawhtanni) khan MFA Inter District U-19 Football Tournament Final Lawngtlaiah khelh a ni a. Mamit Dist. U-19 Team chuan Group Stage a an lo hneh tawh Aizawl Dist. U-19 team chu hnehin an Champion. Final-ah hian Aldrin Zoliantluanga chu Man of the Match a thlan niin Mamit player Lalrengpuia chu he tournament-ah hian Best Player a thlan a ni a, Aizawl Dist. Captain Lalramliana chuan goal 7 thunin top scorer a ni thung. Fair Play team-ah Champion Team Mamit Dist. U-19 team chu thlan an ni bawk.
Mamit 2-1 Aizawl
(Lalrengpuia 27′; Aldrin Zoliantluanga 110′)-(Lalramliana 30′)
Final-ah hian Mamit leh Aizawl te hi an inhnehtawk hle a. Mamit lam hian minute 27-ah Lalrengpuia hmangin hma an hruai mahse minute 3 hnu lekah Lalramliana goal hmangin Aizawl in an nih rual a, Aizawl lam hian chance tha tak tak nei bawk mahse minute 90 chhungin goal dang a luh belh lo.
Extratime minute 110 naah Mamit tan Aldrin Zoliantluanga (Man of the Match) an goal khungin, he goal hi Aizawl lam hian an sut thei ta lo a ni. Aizawl lam hian chance tha chu thelh bawk mahse Mamit team hian Group Stage lamah Champion lai Aizawl hi an lo hneh tawh bawk avangin tuna an chakna hi vanneih vang ngawt a chak an nilo tih chu a chiang viau awm e.
Aizawl F.C. Coach Pu Muantea chuan ZoFooty hrilhin,”Vawiin chu kan vanduai takzet a ni, nidanga kan thuh ang kan thun thei tlat lo. Kan inpuahchahna a tha tawk lova kan tuar ta a ni,” a ti. Hetih lai hian a thlengtu te chungah erawh a lawm em em thung a,”Lawngtlai Chanmari Veng hall-ah kan thleng a, vengchhung mipuite kan chungah an tha em em a. Eitur tui tha tha kan ei bakah tui lamah pawh kan hnianghnar a, an chungah kan lawm hle a ni. Final kan khelh dawnah pawh information centre atang te in min puan sak a, kan lawm takzet a ni. Champion zo lo mahila an VCP Pu C. Huala hovin thingpui min inpui a. Champion ang chiahin min chei bawl a, an chungah kan lawm tak zet e” tiin ZoFooty a hrilh.
cialis coupon
prices of cialis
Discount cialis without prescription
Cialis health store
Mamit an lwmpuiwm e, chuan Aizwl an vanduai khwp mai, better luck next time………GP……
Mamit chu an va lawmpuiawm ve. tin, Nie, Aizawl hian an ngam lo ve hrim2 niiin ka hria. Group stage-ah an hneh lo tawh bawk sia.. Good post
ka lawmpui e
Mamit ho cu l0m pui wm e…atir tag khn an champ kig sa reg a…