English defender Gary Cahill hi Chelsea manager Andre Villas Boas player duhzawng tak a ni a. Bolton-ah hian tun season tawp thleng chauh contract a neih tawh avangin Bolton lam pawhin January thla chhunga chhuahtir hi an hreh lutuk lo a ni. Nikum kumtawp khan club pahnihte hi a man-ah inrem tawhin, Chelsea hian £7 million velin an lei thei dawn niin a lang.
Club pahnihte inbiakfel tawh hnu hian a hlawh tur chungchangah Cahill leh Chelsea an inrem thei lo a, Cahill hian kar khatah £1,00,000 vel hlawh a duh laiin Chelsea hian £70, 000 vel an phalsak a, hei vang hian hunrei tak chu an thu a inhmu hleithei lo a ni. Daily Star chanchinbuin a tarlan danin, kar khata £80, 000 vel hlawh turin an inrem a ni.
Karhnih kalta mai khan Chelsea manager Andre Villas Boas chuan Chelsea leh Cahill te chu an inbiakrem theih loh thu a sawi tawh a. Hemi hnu lawk hian Manchester United leh Tottenham Hotspurs te pawhin Cahill hi lei an tum niin thuthang a awm zui nghe nghe. Mahse a tawpah chuan Chelsea centre back ‘thar’ a ni dawn ta niin a lang.
Terry – Cahill combination
Jose Mourinho hunlai aṭang tawhin defence hi Chelsea chakna pakhat a ni ṭhin. Mahse tun season-ah goal an chhuah ve ta malh malh khawp mai a, a bik takin Stamford Bridge-ah Chelsea defence a phui tawk lo.
Kum 26 a upa Cahill hi Chelsea-ah a lut a nih chuan Terry nen an inkawp ngei hmel a, anni pahnih hi England tân pawh lo inkawp zeuh zeuh tawh a ni. Tunah hian Bolton hi Premier League-a defensive record nei chhe ber an ni a, Arsenal in an duh em em Cahill hi Chelsea mamawhna chhângtu ni turin a ṭha tawkin i hria em le? Nge a ni aia ṭha hi an mamawh i ti?
(Transfer season lai hi chuan thuthang hi a tam ṭhin a, sap chanchinbute hian an ziak huai thei hle. Website rintlak tak nia kan hriat loh chu transfer thuthang lak nan kan hmang ngai meuh lo a, mahse transfer tura inbiakna hi a tâwp dawn ṭepah pawh a chingpen palh thei a ni tih kan hriat a ṭha awm e).
source: espnstar.com
Cahill hi tunah a la lut lo a, Nilaini-a inbefel hman tura beisei kha an la inrem thei lo a ni. AVB chuan lakluh tuma an beih chhunzawm zel tur thu a sawi.
Ricky Carvalho te an va ngaihawm ve. Kan inthlengnawi zel mai zawng a ni e.
Cahill mai mai chu(h). Arsenal ah lut se a that dawn nen.
Terry Cahill nge Terry Luiz? Ilo thlir zel teh ang.
Bolton defensive record a chhiat chhiat nen cahill chu hlawh a va phut sang ve a…
Ngaihnawm lutuk tlat. Nia, transfer chungchang chu – i sawi ang khian. Mahse, keini aia ram changkanga awm, a enkawltute pawh sap pachal bakah degree hraw tak tak neite pawhin ‘rumours’ an chhuah chuai chuai alawm, inthlahrun vak tur ni pawhin ka hre lem lo, kei chu.