Dated 23.03.2011, MBPJ Stadium, Petaling Jaya, Malaysia:AFC Challenge Cup khelh mek ah India chuan Pakistan 3-1 in a sawp a hetah hian mizo tlangval India senior player kan neih chhun Jeje Lalpekhlua chuan goal hnih a khung. He inkhelh ah hian Pakistan striker Arif Mehmood min 32′ ah chuan goal hmahruai a thun a, India tan min 67′ Jeje-a’n equalise na goal a khung a,min 90′ ah Steven Dias chuan khung leh in, min 90+’ ah Jeje-a bawk hian goal a khung leh ta a ni. Heti hian Jeje-a hian India tan game 2 a khelh tawh ah goal 3 a khung ta a ni. Kum tamtak chhung kan lo beisei ve thin mizo player in engtik ah nge India senior tan goal a khung ve ang tih a kan thlir thin chu Jeje-a hian goal thum khung in a rawn hlen ta. India senior team No. 10 ha thei mizo tlangval kan nei hi a va chhuanawm em.Mizo football ngaisang tan chuan thil chhinchhiah tlak a va ni em.

Heti hian India hian an group ah hma an hruai a, game 2 khelh tawh a point 6 an hmu tawh a, Turkmenistan an la tum leh dawn a ni.

Jeje-a hi phai lam chanchinbu chuan ‘Next Bhutia’ ti in a fak tan tawh a, a va ropui em. Bhaichung a upa tan tawh a a khelh that zel chuan regular starter a ni ngei ang. Mizo footballer dang tan pawh challenge a ni ta, naupang zawk te tan a Icon ni zel tur in duhsakna kan hlan bawk e.