Boruak nei lian Chanmari FC in an tumpui Lunglei team Theiriat FC 3-1 in an hneh a. Chanmari FC tan hian Lalhlimpuia (Tat-a) an goal hnih khungin Lalnginglova’n goal khat a thun leh bawk a. Theiriat FC lam tan R. Lalrinsanga’n goal khat a thun ve bawk.
Red Ribbon Champion team tho kha!
Chanmari LC team leh Chanmari FC hi team inang ni lo mahse sawi pawlh loh theih lo a ni a. Players engemaw zat leh Coach chu inthlak bawk mahse team enkawltute a la ngai a. An jersey pawh a rawng leh a design a la ngai bawk a, fans te pawh an la ngai bawk avangin team ngaiah a ngaih theih a. An danglamna awm thei chu a hma angin fans an la awmkhawm tha tawk lova, team an la in man tawk lo bawk tih te hi a ni.
An inkhel e
Chanmari team hian Red Ribbon a Best Player lo ni tawh pahnih Chhinga leh MS-a an kawl a, chuvangin midfield hi chu an thatna lai tur a tih theih a. Inkhel tan tirh atangin game pawh an thunun zawk a. Mahse hei hi thilmak a ni lova, Theiriat lam hian goal thun aiin goal venhim an ngai pawimawh zawk a vang a tih thieh awm e. Inkhelah chungnung zawk viau mahse clear chance nei hmasa zawk chu Theiriat an ni a, an striker chhuanvawr Maenga’n tih goal loh a uihawm hle. Player quality neitha zawk Chanmari in goal an thun hmasa zawk thova, goal thuntu hi I-Day 2nd Division 2011 Top Scorer Tat-a a ni. First half-ah goal dang a luh belh lo.
2nd half-ah Goal 3
Second half lamah pawh Chanmari FC lamin game an thunun hle a. Chutihrualin Theiriat FC lam pawn tihsual zauh zauh chu ni nei mahse an game discipline a tha hle a, mahse player quality tha an nei tam tawklo tih a lang zeuh zeuh thung. Chanmari lamin Armed Veng CYMA 2012 a Champion puitu Hlutea hmangin veilam kil atangin an attack ber a, dinglama awm Zonunmawia erawh a ngaichawi hle. Game sawi danglamnan Zonunmawia la chhuakin a aiah Mawitea an luhtir a. Mawitea hi striker-ah awm tirin MS-a winger a awm thung a. Game erawh a ngai rengin a kalah a ngaih theih a, MS-a’n dinglam kil atanga nawr ai chuan a lai lamah a rawn tam zawk a. Mahse a ball fing tak tak a pe chhuak hnem hle. Minute 61 naah striker naah Tat-a bawkin a thun leh a, he goal hi veilam atanga Hlutea rawn pek a ni. Chanmari dinhmun a that viaua a lang laiin Theiriat lamin R. Lalrinsanga hmangin minute 65 naah goal an thun a, he goal hi dinglam kil atanga ball cross a tauh luh a ni.
Chanmari in goal venhim an mamawh avangin an player kheltha Hlutea an thlak a, a thlaktu hi damloh vanga la full fit lo Rinchhana a ni. Rinchhana a luh avang hian an defender MP-a (Nghinglova) chu wing-ah a awm thung a. A position tharah pawh MP-a hi a kheltha chhunzawm zel a, wing-a a awm hnu rei lo teah goal a thun nghal a. He goal hi MS-a pek a ni. He goal bak hi goal dang a luh belh tawh lo.
Sawi belh ang
Theiriat FC club in Chanmari FC 3-1 ngawtin an hneh lova, anmahni aia goal chhuah hnem chu College Veng chiah an ni. Chuti chung chuan Theiriat hi team chhia a ngaih chi a ni lova. Team tha ber dawttu a ngaih theih Chanmari FC lakah goal thum chhuah mahse goal khat an thun thei a. Chuvangin MPL qualify tur pawh hian beiseiawm pawl takah a la ngaih theih tho mai. Vawiin lamah defensive game an khel a, an khelh leh hunah erawh attacking game an khel tawh anga, kha ai chuan an attacking an na tawh ngei bawk ang.
Chanmari FC erawh an tha tih a chiang a, mahse an game khelh dan erawhin fak an phu hran lova. Kha aia game quality sang kha an khelh theih a rinawm. Inkhelh tir atanga a tawp thlengi Tat-a khel tha lova, mahse goal hnih a khung avangin sawisel a harsa a, an la chhuaklo erawh a vannei. Chutiang bawkin MS-a langsar lova, nidanga a game a pha lova mahse amah la chhuak lova Hlutea an la chhuak kha a vannei a tih theih a. Mahse ball fing tak tak a pe chhuah miau avangin an la chhuaklo kha tihsualah ngaih a harsa a, mahse goal ngei tura ngaih a thelh kha chu MS-a quality tan chuan thiltih awmloh a ni. Chanmari team-ah chuan Nghinglova a kheltha a, inkhel tir atangin a nghing lova. Goal a thun bawk avangin anni aia kheltha chuang an awmlo. Mahse 2-1 anih laia coach in winger-a a tlan tir kha chu risk tak meuh meuh niin a lang bawk. Defender inthlak kual laia Theiriat lamin attackna tawklo kha an vanneihna pakhat chu a ni thei bawk awm e.
Theiriat FC 1-3 Chanmari FC
(R. Lalrinsanga 65′)(Lalhlimpuia 42′, 61′; Lalnghinglova 72′)
Blue: Chanmari FC (4-5-1); White: Theiriat FC (4-2-3-1)
Theiriat FC
First XI: PC Lallawmkima, R. Lalrengpuia, Job Ramdinthara, R. Lalrinsanga, B. Lalvenhima, H. Lalremmawia, J. Malsawmtluanga, B. Lalruatkima, H. Lalrammawia, C. Lalramenga, Lalhmangaihtluanga.
Substitutes: R. Lalnunfela, Zothantluanga Sailo, H. Lalruatkika, F. Lalhualhima, T. Lalngaihsanga, Johny VL Muanpuia, Samuel Lalrindika, C. Hmangaihsanga, Lalfelkima
Coach: R. Lalmuankima
Manager: F. Lalhrezuala
Asst. Coach: P.S. Lalngaihzuala
Asst. Manager: Lalremruata Sailo
Physio: Zorammawia
Chanmari FC: Lalawmpuia, C. Zomuanpuia, Zothanpuia, Lalnginglova, Michael Lalhruaitluanga, Rochhingpuia, Lalawmsanga, C. Zonunmawia, Lalbiakhlua, Lalhlimpuia, R. Malsawmtluanga
Substitutes: Lalrammawia (Mawitea), R. Lalhmangaihzuala, Lalrinchhana Tochhawng, Danny Lalrohlua, Lalhriatpuia, Lalawmpuia, Danny Lalawmkima, H. Lalramropuia, Lalrammawia.
coach: Lalsangzuala Hmar
Manager: C. Lalsangzuala
Asst. Coach: Andrew Lalremkima
Asst. Manager: MS Dawngliana
Physio : Zothantluanga
Admin: Post hi siam belh tur a ni.
canadian cialis
how to get cialis
generic cialis online
cialis 10mg
Buy cialis without rx
Cialis fast delivery usa
Chhinga leh MS-a te an awm chuan Chanmari chu an chhe vak dawn lo nih chu.
Sorry @zara Mp- a tur zok ni e.. ha ha… Kan Striker Dawngtea dam lohna vangin kan chhawr thei don tlat lo pawi kan ti… Kan striker chhawr mek lai hi kan ring tawk khop mai.. Striker tlan chak deuh ball thiam tak ai chuan Goal thun thei hi a pawimawh khop mai,,, Goal engzah nge a thun imlo en dawn nia//
Theiriat Fc kha chu an la tuai in boruak an zo vaklo ni han tling se chuan an tha tial ang mawle..
ni e theiriat hi tling ta se.. an home ground lunglei- thuamluaia mual ni mai se.. a interesting dawn hle mai……………., Champhai leh Kolasib lam hi an lo che lo va, pawi ngawt mai…………………….
@ Ronaldawnga, Chanmari FC i hmuh dan hi ka like khop mai, Striker an neih belh loh cuan ka beisei an phak lo……………. chance miss chu ka hrethiam thova, a thatchhe ltk kha chu a dik lo, a dang an nei lovem ni
Naktuk inkhel tur preview na lam hi rawn tidawn tawh em? chhiar a va chakawm leh tawh ve 🙂
Chanmari khan haw lem lo ula… striker kha a fit thut loh cuan thlak vang2 ru…. TLAN TLEM SI, TLATCHHE E MAI, OFFSIDE NGUN EM2 RINGOT MY!
Chanmari striker kha an thlak har ka ti, Electric Venga mi sang deuh kha, a thatchhe si, a threlh nasa bok si….. mahe goal 2 a la thun jui 🙂 Striker dang neih belh loh cuan AFC defender ang vel an ton hunah a buai ag, tlan chak lo eee mai, ball duh i… Chanmari Red Ribbon striker Dawngtea kha an nei emaw ka lo tia, che rang deuh kha kan ti ve mai2
Vawiin inkhel ch a hmuhnawm dun hle mai. Theiriat pawh kha chak lo mah se team tha tak an ni bawk. CHanmari pawh an chesual anih loh chuan an tlang a rinawm .. Good post
het… coaching staff zinga mi chuan mahni player hriat pawlh loh tur….. hahah
Thangpuia hming pum chu Zothanpuia a ni daih a nia 🙂
A ngaihnawmin, chhiar aman hla e.
@Andrew
a lawmawm e. Coaching Staff atangin comment a awm a.
Hlutea lakchhuah kha chu ka pawm viau mai. Mahse MP-a (Thangpuia-a ni hi chu defender dik tak a ni! Mp-a i tihna anih ka ring) Nia MP-a hi chu utility player chu a ni tehmeuh mai a. Khawiah pawh a tlan thei a, Keeper-ah tihloh chuan. Mahse Rinchhana in rawn luhtir hun kha chu a hlauawm hret a ni, defender-ah chuan in neih that ber a ni ngei ang. Mahse defender tan hi chuan luh thut hi a harsa thin a, khatiang huna thlak kha chu a hlauawmin ka hria. 2-1 a in hlauthawng lo anih chuan thuhran 🙂
Game sawifiahna: Hlutea kha khel tha viau mahse yellow card a hmuh tawh avangin lakchhuah ani.. ms-a khel thra pangai injury right back in a neih avangin thlak danglam ani lo..thangpuia hi winger ani zawk mah a mahse rinchhana kha match fitness a mamawh avangin defence line ah dah ani… a game in a mamawh ang zela team sawi ani
Ne Thei8 kha an chhe miahlo,mhse pressure jolo an ag deuh kati an gol nwr velah khn,an gol erwh a cial,team 2 ten an theihna anla lantir twklo ve2 in ka hria
Match report kimchang chhiar a va chak awm ta ve.
Nia, theiriat kha an chhe miahlo. Theiriat hi tlang ta hlauh se lunglei ah an home match an khel dawn tihna mi? In hre mial em?
Theiriat FC kha ka rin aiin an tha.BIG FOUR pawh an kai thei tlatin ka hria
Chanmari chu an lawmpuiawm hle mai,chutihrualin Theiriat ho pawh tlangna chance an la nei alawm le…..beidawng mai loin hmalam pan zel teh se 🙂
Chanmari FC chu lawmpui eee….an tha thre thraw bawkah. Theiriat pawh an khel chhe miah lo….