Source: Chanmarians (For one & for all)
Mizoram Football Tournament ropui ber ni thin Vodafone CYMA Football Tournament (tunah chuan Red Ribbon football tournament hi a ropui ber tawh em?) Fixtures chu ni 14 May 2012 hian a chhuak dawn niin thudawn a ni. Tun CYMA Football Tournament lo awm turah hian team 134 an tel a. Rajiv Gandhi Stadium, Republic Veng Field, Ramhlun Sports Complex leh Joint YMA Field (Vaivakawn)-ah te khelh a ni dawn a.Lammual lama allotment fel veleh Joint YMA Field a khelte hi Lammual-ah an insawn ang. Fixtures hi Round of 16 thleng siam niin a bak hi chu draw neih tha leh tura ruahman a ni. Kum danga CYMA Football tournament ang bawkin a chaklo zawkin thilpek an dawng leh dawn a, tun tum hian Silpaulin tha chi (CYMA Colour?) dawng tir tura ruahmanna siam a ni.
CYMA Football Tournament hi sawiselna tur zawng hrim hrim teh ang!
MFA nen an inrem lo
Central Young Mizo Association (CYMA) hian Vodafone atangin sponsor hmu mahse Mizoram Football body lian ber Mizoram Football Association (MFA) nen an inrem thei lova. Chuvang chuan he tournament hi MFA in an hriatpui dawn lova, chumi anih avang chuan MFA in an hrem mek te pawh an khel thei dawn niin a lang a. He tournament-ah hian buaina a chhuak anih pawhin MFA lam hian players emaw veng emaw khua emaw an hrem thei dawn lova, a mawhphur tur chu CYMA an ni dawn tihna a ni. Hemi anih avang hian football field a mawilo taka che MFA in a hrem te khan hremna an phu ang an dawnglo a tih theih a. A chhan chu Mizoram Football Tournament lian ber zing ami an khelh theih tho vang a ni.
Inbuatsaihna a tha tawk em?
CYMA tournament lo awm tur chungchang ziahna hi zawng ngial pawn a vang hle a, publicity-ah chuan duhthu a samlo phawt mai. Chumai bakah prize money hi engzatnge ni dawn? tihte hi zawhna chhan theih rihlo ni te pawhin a lang a, hemi anih avang hian tuna team nasa taka inbuatsaih ho hian an phu ang prize money lo ni leh ta lo ta se an hnual angem? tihte hi zawhna zawh theih tak a ni.
Football Pawisa a bo then thei em?
CYMA hian Vodafone atang hian nuai chuang chu an dawng ngei dawn a. Mahse he tournament hi CYMA branch hrang hrang (KTP Sport, TKP Sport etc) ang leka a ral chuan a uihawm viau ang le. Chumai bakah Football Body lamin football hmasawnna atana Vodafone atanga sponsor an hmuh chu a harsa talh bawk ang. Mahse he tournament hi football promote na a ni thei tho bawk a, state dang atanga scout te kan chah luh theih phei chuan pawisa hi football promote nan an hmang a tih theih tho awm e. Hemi tur hian CYMA hruaitu lam chet ava pawimawh em!
CYMA Football tournament hi sawisel vanga nep chi a ni lo!
He tournament hi veng leh veng (veng danglak awihloh) anih avangin a nep dawn lo hrim hrim a, veng tin an practice tha a. Chumi anih avang chuan football lamah pawh hma kan sawn phah ngei bawk ang. Chumai bakah thalai ten an nun an uluk phah a. Zuk leh hmuam ti thin leh ruihtheihthil ti thin ten an an ngei tih thawm han hriat te hian he tournament hi a Mizo rilru tak phei chuan a hlawhtling der tawh a tih theih awm e. Engpawhchunise football inelna Mizoram pum huap awm leh tur hi football tuimite tan chuan a lawmawm hle a ni tih hi kan thu tawpna ni teh se.
cialis from canada
where to buy cialis
Generic viagra usa
Levitra vs viagra
MFA hming nilovin YMA member an nihna angin an ham theih vek ka ring. Official tur tha tawk awm lovin Mizorama Tournament ngaihlut ber hi an kalpui ka ring lo.
Vodafone CYMA Football Match Fixture hi eng Web ah nge en theih le..?
ava mak ve aw. Kan tlawmngai pawl lian ber YMA chuan tinge MFA nen an inrem theih loh? Tin, comment 1 ang deuh khian, tute nge officials tur te le?
CYMA leh MFA hi an thu a inhmu lo ziah mai. Mahse CYMA tounament Mizorama tournament ropui ber ka la ti fan. Association dang zawng zawng tenen tha taka an thawh ho theih lai hian MFA nen hian an buai bik ziah..
United tantu ka ni a, mahse tunkum premier leaque a city champion dan chu a mawi khawp mai……an phu e…tun season ah vawihnih min hneh reng reng mai a…ka lawmpui e
Nia, referee chung changah ka lo buairu nghal a,khawilam referee nge an hman ang le?!!.. Central YMA tournament hi, a khelh leh en a nuam thin a, Mizo te hian kan hlut thiam a ngai hle in ka hre bawk. CYMA hruaitute han tang sauh sauh teh u.
MFA nen an in rem lo anih cuan khawi atang nge Referee an hman dawn ..? Tute nge Referee ang..? MFA qualified Referee te an hmang don a nih cuan tutu te emaw kut chu an tuar leh ngei ang..REFEREE TE KA KHAWNGAIH LAWK KHAWP MAI….