Independence Day 2012 Final hmuhnawm takah Mizoram Police FC chuan Aizawl FC 3-2 a hnehin an Champion. Aizawl FC hian minute thum lekah Lalrammawia goal hmangin hma hruai hmasa mahse Mizoram Police FC lamin Lalbiakhlua, Lalchhuantlinga leh F. Lalrinpuia te goal hmangin an chhang let a. Aizawl FC hian an striker Michael Lalremruata hmangin goal khat thun leh a, hemi hnu hian MRP FC striker Lalchhuantlinga’n red card a hmu leh bawk a mahse Aizawl FC lamin goal dang an thun theih takloh avangin Mizoram Police chu I-Day 2012 Champion an ni ta a ni.
Tute nge khel?
Aizawl FC : Msa (GK), Zirtea (Captain), Laldina, Zohmaa, Thomas, Rammawia, Johny, Tluanga, Brandon, Michael, Papuia
Mizoram Police : Hriata(GK), Hriata, Hruaia, Ruata, Itana, Biaktea, Sama Hnamte (Captain), T-a, Fakzuala, Valpuia, Chhuantlinga
Aizawl FC lamin an formation an rawn thlak a, 4-3-3 formation atangin 4-4-2 formation an rawn hmang thung a. Ricky-a aiah Zirtea a rawn lut bawk. Francis-a leh Zorema erawh bench-ah thut tir an ni. Anni pahnih aiah hian Papuia leh Rammawia te chu dahluh an ni. Brandon-a erawh la naupang viau mahse first eleven-ah a rawn chang thung.
Mizoram Police-ah dam kawr Remruata a rawn kir a, ani rawn kir vang hian Sama Hnamte chu Midfield lai lamah an sawn phei a. Sena aiah Etana a rawn lut a, Ropuia aiah erawh Hriata an ring tlang thung. Attacking-ah erawh Fakzuala’n a position ngai (Left Wing)-ah a awm tihloh chu tih danglam a awm lo thung.
First Half hmuhnawm tak chu!
Mizoram Police in an winger tlan chak Biaktea hmangin goal thun theihna an nei nghal a, mahse Biaktea shot tha tak chuan goal ban a fuh hlauh thung. Aizawl FC an rawn insiamtha nghal a, Thomas-a ball vawrh luh tha tak chuan MRP FC defender Hriata a sawh khum avangin chu ball chu Rammawia tan ball duhthusam a ni a. Chu ball tha tak chu Rammawia’n a lu hmangin goal-ah a chantir a. Hriata tan dan ngaihna a awmlo.
Aizawl FC hian goal thun belhna theih hun chu nei bawk mahse Brandon-a leh Johny-a ten an chance neih ang te an hmangtha tawk lo a tih theih. MRP FC an rawn lang a, Valpuia’n ball tha taka la lutin Chhuantlinga nena wall pass an neih hnuah cross lutin changtu neilo Biakte’an mawi takin goal-ah a lo chantir.
Aizawl FC bawkin chance an nei leh a, Papuia’n ball tha taka a lakluh hnuah tha takin shot mahse Hriata a lo dan sak hlauh. Hemi atanga corner an hmuh chu Rammawia’n Brandon-a lu ah va dah mahse Hriata bawkin a lo dang thung.
MRP FC lamin chance an nei leh a Biaktea tauh pial leh T-a shot/siam te chu hlauawm tak a ni. Mahse first half tawp dawn tepah goal an thun thova, Sama Freekick tha zet chu striker palian Chhuantlinga chuan goal-ah a lo chantir a. Goal dang lut tawh lovin first half a tawp zui.
Second Half-ah Red Card leh Goal hnih
Aizawl FC lamin an defence pawp siamthat tumin Zirtea aiah Zuala an rawn dah lut a, Thomas-a chu Left back-ah sawnin Zuala chu Right back-ah a rawn khel thung a. Inkhel erawh first half aiin a nung loh a tih theih.
Goal hlauawm nei hmasa zawk erawh MRP tho niin Biaktea shot chu goal ngei tura ngaih ni mahse defender in an lo dang hman a, cross bar a per hlauh. Johny aia Francis-a rawn luh hnuah Aizawl FC game a mumal zawk a tih theih a. Mahse goal thun theihna tur chance erawh an nei lo.
Aizawl FC an fimkhur tawk lova, counter attack atangin MRP lamin an nawr let a, Biaktea’n vei lam kil atanga ball tha taka a lakluh hnuah Valuia a pe phei a, Valpuia’n duhthusamin control lo mahse goal-ah a lo chantir tho a ni.
Aizawl Fc an tlawm bik lova, MRP FC lam offside trap siam sual(?) atangin Michael Lalremruata’n goal mawi tak a khung a, he goal thuntur hian Michael-a hi muang deuh mahse a class san zia a lang a. Chutihrualin a offside leh offside loh chu zawhna awm thei tak a ni.
He Goal avang hian MRP FC dinhmun a derthawng a, a derthawngna belhchhah turin Chhuantlinga’n Red Card a hmu bawk a. Hei vang hian coach pawn formation a rawn thlak a, Remruata aiah Nunmawia luhtirin Sama Hnamte chu defence laiah a awm thung a, Valpuia chuan midfield a pui thung a, Nunmawia chu lone striker-ah a awm thung. Coach in a thlak fuh a tih theih a, Valpuia a taima a, Nunmawia’n ball a hloh mai mai lo bawk a. Aizawl FC aia ball an chan tlemna bik a awmlo. Goal dang awm tawh lovin MRP FC chu 3-2 in an chak ta a ni.
Team bihchhianna
Sawi Belh Ang
Aizawl FC
Brandon-a a kheltha a, mahse a la naupang tih a hriat zeuh zeuh a, a tir atanga an chhawr kha chu a fuh ber lo maithei a. Chutihrualin Ricky aia awm Zirtea’n a hna a tlinlo a tih theih bawk. Midfielder pathum anga an awmlo kha a pawi theihna lai tam tak a awm thei a, mahse goal hmahruai an thun tho avangin an formation ah sawisel tur a awm lova. Defender ten Midfielder te ball an vawrh kan nasa lutuk erawh a sawisel theih thung. A tawp berah chuan player an kimloh mai bakah anmahni aia team tha an tum avangin an chaklo hi thil awm takah a ngaih theih thung.
MRP FC
Team tha an ni tih a chiang a. Mizoram Club zinga player tha ber an ni tih an lantir a. Coach leh player te an fakawm. Natural left Back Lawmte-a awm thei se kha ai khan an that a rinawm. MPL lamah erawh Lawmte-a hmel hmuh a besei theih mahna. Postion tinah an tha vek a, an bench pawh an tha em em a, Apuia khel kan hmu tamlo erawh entu mipuite kan vanduai a tih theih thung. I-Day tournament atang hian team tha ber an ni tih an rawn nemnghetah a ngaih theih bawk.
cialis generic
generic cialis cost
Cialis online us
Canadian pharmacy cialis pfizer
@Muanpuia, Inkhel ka en lo a, mahse, Aizawl FC tantu erawh ka ni a, tantur pawh ka ni bawk. Aizawl FC ka tan avang erawh chuan Club dang nuihzat leh hmusit zawnga ka tih kher a tul lo. Chutiang chiah chuan Tlantea pawh hian Aizawl FC hmusit leh nuizata a rawn tih kher hi a tul lo bawk. A nuihzatthlak a tih khi keinin a nuihzatthlakna lai kan hmu ve lo a ni mai.
Tlantea thil rawn sawi khi mi thil post sawichhawng a ni a, a engemaw lai chauh a rawn post avangin midang kaihruai sual thei tak a ni a chuvangin a thulak chhuahna thenkhat ka rawn post chhawng ve mai a ni. A hmuna entuten an hmuhdan an rawn ziaka, an thuziah sentence tluantling mang hlei lo a midangte beihnana ziah khi a mawi lo.
MIZO tih hi thil a lai takaha thlir ngai lo, a pro-AFC thin khawp mai Tlantea thil post ka en khian ka thlawp ve tlat teh ang, final kha ka en ve ngei a AFC penalty pekna tur ka hmu lo – tran lam neia thlir chuan thil hi a lai lo thrin a ni
Zara nge..i post tha narawh e…
first half kha chu a hmuhnawm rem rem khawp mai. 2nd half kha beisei a pha lo thung. mahse a hmuhnawm tho mai. MRP an lawmpuiawm khawp mai. Aizawl FC pawh MPL atan duhsakna ka hlan e.. Good post
Penalty nggei2 tur vawi thum vel referee khan a lo pe lo nih chuuuuuuuuuuuuu a hmunah ka en ve ngei a, chutiang chu ka lo hmu ve miah lo… i tia. A thuziak ka chhiar chhuak vek a. Vawi 2 bak penalty pekna tur awm ang a ziahlan loh khi. Mi thuziak hi a uchuak zawng leh a leikuai zawng hian ti thin lo teh ang.
A thu ziah atangin heng ang te hi quote chhuak zawk ta la chu… š
“Game a rei tual tual a, kan player te an inthlah dul vang pawh nilovin MRP hian game an rawn insiam tha a, 1st half chanve hnulam hian an chungnung zawk tan a, kan lamah an rawn nawr hlauhawm thin hle…. MRP lam hi an FIT zawk a, an che a rang zawk tual tual bawk a ni.”
I lak chhuahna ni awm tak Dr. John-a review atanga lakchhuah. A nuihzatthlakna lai reng reng ka hmu ve thiam lo. A hmuhdan a ziak a ni mai.
“tumkhat Striker Papuia’n D-Box pawn atanga goal ni mai awm a tha a long shoot MRP keeper lo save kha a uiawm hle bawk. Hemi hnu lawkah hian kan Striker Michael a ball lalut chu D-Box chhungah lehlam right defender in “two-footed slide” tak meuhin a tithlu a, hei hi penalty pek awm tak a ni, mahse referee chuan a ham tlat lo.”
“Hun tawp tep a Michaela ball lakluh bawk lehlam left defender in D-Box chhungah chiah a lo tihtlu leh a, hei hi penalty pekna awm tak nimahsela, referee in a ham lo leh a”
Aizawl Football Club tih FB Group-ah hian hman deuh atang khan min lo add ve a, thil nuihzatthlak deuh ka chhiar. A ziaktu chu ‘John Zza’ tiha ni a, I Day final kha a review ve a, news report ag type hian a ziak a, Penalty nggei2 tur vawi thum vel referee khan a lo pe lo nih chuuuuuuuuuuuuu a hmunah ka en ve ngei a, chutiang chu ka lo hmu ve miah lo……. Police ka tran zok cuang lo a, kei chu kan veng an lang ve phak lova tran poh nei loka nia
Ronaldawnga hi kan thlawp teh ang. MPL ah chuan Aizawl FC aiin Dinthar leh Police hi ka dah chungnung zawk tlat mai kei pawh
A hun lo thleng se a hriat ang chu….
@Cleverley VRT – Aizawl FC an tha ber lo, an vanduai bawk loin k hre ve tlat, Mizrm Police kha skill & power lamah an tluk lo hrim2……………. early goal kha nei lo phei se an phur nghek thei ag………… Chanmari nen poh goal hlauhom nei loin minute 85 vel an khel a, Chanmari-in goal bar an pet per, chance an miss treuh kha………….. Chanmari aiin Aizawl FC cu ka dah hniam zok…………… MPL-ah tak2 cuan Police, Dinthar, Luangmual hi Aiozawl FC chungah ka dah….. Chanmari poh an tluk kher lo ag…………… heheh
Aizawl FC an tha ber, an vanduai mai pawh a.
Good Post. chipchiar thei khawp mai
MRP an thiam ber a, a thiam ber champion lohna tournamnt hi a om thin a, Police champion hi k lompui…………. Sama, Biaka ka duh hle mai, Valpuia hi kan striker tha ber a nih hi
Ricky-a awm se chuan inkhel result a danglam thei angem ka ti ve deuh… 1st half kha inkhel hmuhnawm chungchuang leh quality sang a ni a, second half erawh a nawi ta deuh… A kotlang lam boruak pawh a tok thawkhat viauin ka hria a, Team Phunglung CHANMARI TEAM te kha Final lut ta zawk se, inkhel tawp lamah buaina siam leh nuai nuai se, a kotlanga phunglung deuh deuh ho nen khan!! Anni Team chet duhdan te kha a common lo ve tlat a, Game an ti pui ve tlatin ka hria…!!hahahahaha
Inkhel khan result tur diktak/awmtak ahringchhuak in ka hria,MRP player te exp enin atir lama annwi riau leh Chhuantlinga RC tekha chu pumpelh thei awmtak anni in kahria,Aizawl lam Ricky awmlo in an game pumpui a nghawng in kahria,awmseBiaktea tlantlang fo lo deuh khan an attacking pwh anat phah ka ring,a overlaping atha thei ah