MPL Playoff Final Day Lammual-ah khelhah tling tawh Chanmari FC leh chak mamawh Kanan FC an inkhel a, Chanmari FC lamin Lallawmsanga hmangin goal thun mahse Kanan FC lamin Lalsangbera hmangin draw mahse goal dang an thun theih takloh avangin an draw a. Chanmari FC lam hian chance thelh hnem zawk mahse penalty thelhtu Kanan FC hian an draw hi an la ui dawn chauh a ni. An ui nachhan tur chu an draw vang hian FC RS Annexe in MPL khelh theihna chance an neih phah a. Anni hian an huntha hi bawhpelh lovin Lalchhantluanga leh Jerry Lalrammawia penalty hmangin College FC an hneh a. He result avang hian FC RS Annexe MPL khel turin an tling a, Kanan FC erawh an tla ta a ni
Chanmari FC 1-1 Kanan FC
(Lallawmsanga 9′)-(Lalsangbera 40′)
He match hi MPL Playoff Final Day ti hlu ber tuah a ngaih theih. Chanmari FC hi lut chiang tawh mahse team tha annih avangin chak mamawh Kanan FC tan hian huphurhawm tak an ni a. He inkhel result a zir hian a dawt inkhel thlenga a hril tel avangin ngaihven a hlawh a. A bik takin RS Annexe tan chuan he inkhel hi a pawimawh takzet a ni.
Kanan FC in an duh ang result an hmulo!
Chanmari FC lamin Coaching Staff tih chak nan Chanmari VC Team Champion puitu L.Ch-a an la lut a, anni hian experiment a rawn nei a. An midfielder pawimawh MS-a chu bench-ah dahin Sawmtea a rawn dah lut a, anni bakah hian Red Ribbon Final-a Chanmari tana goal khung tu Dawngtea a rawn luhtir bawk.
Chanmari lamin Lawma hmangin goal thun vat a, midfield a Hlua, Lawma leh Sawmtea te in pass chu a hmuhnawm thei hle. Chumai bakah an striker Tat-a pawh nidang zawng aiin a khelthaah ngaih theih a, mahse chance tha tak tak erawh a thelhve bawk. Dawngtea erawh a kheltha nachungin match fitness a neilo tih a lang a, goal hmaah duh angin a hriam tawk lo.
Kanan FC pawn MPL khelh ngei tumin an bei a, an striker Sangbera hmangin Chanmari an sut a. MPL khelh ngei an tum avangin he goal-ah hian an lungawi tawk lova, second half lamah phei chuan chance pawh an neitha thei hle. Amaherawhchu game thununtu zawk chu Chanmari FC an ni a, an ball chang tam dan te, an chance neihte en chuan chak an phu zawk pawh a ni maithei. Mahse Kanan FC hian penalty an thelh miau a. Chuvangin chak thei dinhmun a ding zawk chu Kanan FC hi a tih theih. Hemi anih avang hian Kanan FC players leh tantute tan chuan he penalty hi theihngilh mai a har khawp ang le.
FC RS Annexe 2-0 College Veng FC
(Lalchhantluanga 39′;Jerry Lalrammawia 50′)
RS Annexe tan chuan Kanan FC leh Chanmari FC in draw hi result duhawm tak a ni a. He inkhel avang hian beiseina thar an nei a, Aizawl FC an lo chak ve bawk avangin an chak chuan an lut chiang tluk a ni. Chutihrualin Reitlang FC in Theiriat an draw erawh chuan tla thei dinhmunah an ding thung a ni.
RS Annexe lam tan chuan tla tawh College Veng chu hneh ngei tura ngaih ni mahse College Veng lamin theihtawp chhuaha an lo inveng tlat avangin an in draw chu thil awm thei tak a ni. RS Annexe lamin chance mumal tak an nei thei lova. An chance neihthat ber chu subtitute atanga rawn lut Jerry-a thunloh kha a tih theih awm e.
Mahse Annexe lamin theihtawp an chhuah a, an Captain Sasanga double yellow card vangin khel theilo mahse defence erawh a khawng tha hle.
Minute 39 naah tun tournament kheltha tak Cht-a’n mawi takin a tauh lut a, keeper tan tihghaihna a awmlo.
RS Annexe lam hian ball chang tam zawk mahse goal thun erawh an harsat hle. Penalty area chhunga Peerless atanga an lak Danny-a’n fing taka kheng let chu defender kutah a fuh a, referee in penalty pe in Jerry’an goal-ah a lo chantir a. He goal hian RS Annexe chu an chak dawn ti chiang mahse an MPL an khelh leh khelhloh tur erawh a ti chianglo thung.
Goal dang a luh belh tak loh avangin 2-0 in Annexe an chak ta a, Rajiv lamah inkhel a la zawh loh avangin Annexe fans leh players te an la lawm tha ngam chiah lo. Rajiv lamah final whiste a ri a, Annexe lamin Reitlang an chak tih an hriat chiah chuan Annexe players, fans leh team enkawltute chuan awm ngaihna an hrelo a tih theih hial awm e.
Sawi belh ang
Final day hma table en chuan Kanan FC hi an vanduai a tih theih a, tling thei turin an dinhmun a tha hman a tih theih a. An tling zo ta lo hi an vanduai a tih theih. Chutihrualin team inpuahchhana en chuan RS Annexe hi tling awm zawk niin an lang a. MPL an khelthei tur pawh hi kawng hrang hrang atanga lakin an tling hi an phu a tih theih a. Chutihrualin MPL khel tur erawh chuan an squad hi a tha tawk em tih chu ngaihtuah tham tak a ni.
cialis 20 mg price
buy cialis canada
buy cialis
order cialis online
cialis online
cialis 5 mg
Discount viagra
Best way to take viagra
Engmah chapo pui tur kan nei lo. Pathian hian Israel fate ang deuh khan harsatna min tawrh tir phawt ah keichuan ka ngai, a tawp ah min hlangkai ve ta hram ani e. Pathian leh min tan tu te chungah lawmthu kan sawi bang mawlh lovang. To God be the glory – FC R.S. Annexe
Annexe an tlang ta hram maw, ka tan teh mai nia, Kanan ho hi referee vanga Theiriat draw hram tu kha an nia, tling hi an phu vak lo hrim hrim ani.
Annexe ho chu an lawmpuiawm khawp mai . MPL atan duhsakna ka hlan e!
MPL Playoff chu ‘hard work’ a ni top mai….. a inbuatsaih tha leh thok nasa zel an tling mai……… RS hi ka lompui rualin duh aiin fans an ngah lova, an fans om chhunte cu an ruh hmel khops mai Kanan vanduai nangin ka rin aiin an thleng sang ka ti kei chu
I-Day tournamentn atang hian MPL tak taka an dinhmun tur cu a hriat theih riai ruai ang. FC RS Annexe ka lawmpui e.
A tling tur a ka beisei an tling deuh vek a..Chanmari West, Reitlang leh Kanan te bawm khat ah ka dah deuh a..Amaherawchu kan rin ber zing a mi RS Annexe kalkawng a hautak ta deuh hlek thung..a hmunnawm chho dawn e
Annexe kha season hmasa an chetdan enin lut tura ka duh zinga mi chu anni ngeia,se Kanan an titla ani ta bera,ka uiin ka khwngaih hle mai
Annexe ka lawmpui kher mai….. Dawt sawi loah chuan a inbuatsaih nasa zawk malsawmin an awm a ni berin ka hria….mahse, point box an ni em long chu maw MPL ah hian
Point box chu kan ni lo tih kan entir tal a, a lawm awm reng reng e, TO BE BETTER NEXT TIME…. All the Best my old Club KFC.
@ Ramenga …thanks
@joemizo: Team pahnihin point inang an hmuh chuan head to head hman a ni a, FC RS Annexe hian Kanan FC an hneh avangin an tlang ta a ni. Team pahnih aia tam point inang hmu an awm chuan head-to-head a en theih tawh loh avangin goal difference en leh a ni a, chumi zawhah goal for.
Aizawl FC, Reitlang FC leh Chanmari FC ten point 14 theuh an hmu a, hetah hian head to head en lovin goal difference en a ni.
Goal diff. tam zawk dan (LAW)ani lawmni MFA in an hmandawn? anih chuan RS Annexe ho aiin Kanan Goal a chhe zawk tihna em ani?